علاقتي بماما فيها لغبطه وحياتي مضطربه

Question

أنا بحس على طول ان علاقتي بماما فيها لغبطه كتير ، ساعات بحس ان هي بتحبني ، و ساعات بحس إنها كارهاني جامد و مش بتحبني ولا عايزاني أصلا ، والدتي و والدي انفصلوا و أنا عندي أربع شهور ، و مش حاسه إني قادره أتقبل بابا مع انه بيتمناني الرضا أرضى 
بس أنا اتحرمت من احساس الحنان من الأب و اخويا بيضربني جامد و قاسي عليا ، أنا فعلا متلألئه و حياتي مضطربه جامد ، لو حد عارف او عنده حل يخلصني من اللخبطة دي يقولي ارجوكم

Mushroom_25673 🇪🇬 · Accepted Answer

بصي في موضوع مامتك ، مفيش ام هتكره بنتها ، اي نعم اوقات بتصدر منهم تصرفات بتدايقنا و بتخلينا نستغرب و نفكر هي بتحبنا ولا لا ، بس صدقيني هي بتحبك اكيد ، انتي مدخلتيش جوا نيتها ربنا اعلم ف أحسنو الظن ، و حاولي بقدر الامكان انك متعمليش حجات تدايقها

Mushroom_25673 🇪🇬 · Answer

بالنسبه ل موضوع باباكي ، بصي لو هوا بيحاول يقرب منك حاولي تديله فرصه ، يمكن مع الوقت تقدري تتكلمي معاه و تعرفيه احتياجاتك من حنان و اهتمام و تشتكيله من اخوكي الي بيضربك ، اهم حاجه لازم تكوني باره بـ والديكي حتى لو لاقيتي تصرفات منهم بتدايقك و بتزعلك لازم تبريهم لانه هتتحاسبي و هما كمان هيتحاسبو على معاملتهم ليكي أياً كانت

Mushroom_25673 🇪🇬 · Answer

و بالنسبه ل اخوكي ، جربي تتكلمي معاه بالراحه و تقوليلو ان هوا يتكلم معاكي بالراحه لو غلطتي ، و مينفعش يضربك علشان انتي بنت ، و اشتكي ل باباكي او اي حد من قرايبك

Mushroom_25673 🇪🇬 · Answer

اخر حاجه حاولي تقربي من مامتك و متخليش علاقتكو ببعض تكون معقده ، حاولي تشتغلي على دا لانه صدقيني هيساعدك جدا و افتكري دايما ان عيلتك بتحبك و وقت ما تحتاجي حد جمبك هتلاقيهم هما

Grape_25695 🇪🇬 · Answer

في دكاترة نفسيين اون لاين كتير لو تقدري جربي و خدي جلسات لانه الطبيب و المختص النفسي هيبقا مثقف اكتر من اي حد ف موقف زي ده

Lemon_25648 🇪🇬 · Answer

المشكله ان بابا لا يؤتمن على اي سر أبدا + ان أهله كلهم يكرهونا بلا إستثناء

Lemon_25648 🇪🇬 · Answer

مشكلتها أنها عصبيه حامد و بتتضايق من اقل حاجه و دايما مش بتسمعني خالص و علطول أنا غلط

Lemon_25648 🇪🇬 · Answer

دا أنا لو اتكلمت معاه هايكمل عليا ضرب + والله في علامات ف جسمي لسه مراحتش من ضربه ليا

Lemon_25648 🇪🇬 · Answer

أنا مش بحب أعيش دور الضحيه او احكي لحد عن مشاكلي و لما لقيت البرنامج ده قلت ممكن حد يساعدني او ينصحني

Mushroom_25673 🇪🇬 · Answer

معلش يا ليمونه مكنتش بفتح البرنامج ، انتي عامله ايه دلوقتي ؟ و قدرتي تحلي مشكلتك ولا لا ؟