بابا وماما منفصلين من وانا 3 سنين وانا دلوقتي 16 سنه وعايشه مع ماما، بابا من يوم ما انفصلوا بقابله كل اسبوعين في مكان واخر اليوم كل واحد بيروح بيته مش بنقعد أكثر من يوم مع بعض المهم ان بابا طول عمره وكلنا واخدين بالنا انه بيهتم بیا اکثر من اختي الي اصغر مني ب سنه ونص، مش فرق واضح جدا، لكن في فرق ماما واختي واخدين بالهم من الفرق ده، ودايما بيقول اني شبهو في الشكل وفي طريقة التفكير والهدوء واني عاقله وذكيه وطيبه وكل الكلام ده انا معرفش ده عادي ولا لا، لكن هو مثلا كل ما يشوفني يقعد يحضنني كتير ويبوسني كتير ويبوس ايدي، ومثلا نبقى قاعدين انا قاعده قصاده يقرب الكرسي بتاعي اوي من الكرسي بتاعه وتبقى ركبتنا الانتين لامسين بعض وانا اصلا يتكسف ساعات من كدا، وبقوله اني بتكسف وان الناس شايفانا في بقولي انتي محسساني اني خطيبك وخايفه الناس تشوفنا ويضحك مره بردو جالي مدرستي في صاحبتي كانت معايا في قعد يبوس ايدي ويقول لصاحبتي كاننا مخطوبين صح ؟ انفع ابقى خطيبها ؟ ويضحك بردو، ودايما يقولي انتي اذكى من امك وهادیه اکثر و عاقله اکثر بكتير، لو كنتي مكانها مکانش هيحصل اي مشاكل خالص انتي شبهي. او يقولي كلام زي انتي لما تكبري هتبقي مزه، انا حكيت ده بالصدفه لحد وقالي ان ده مش طبيعي لكن انا مش عارفه ومحتاره. لكن طبعا هو مش كل كلامه كدا يعني بردو بيقولي كلام بيقوله اب لبنته عادي زي انه هيأمنلي مستقبلي وان كل حاجه بيعملها عشاني وعشان مستقبلي وعشان ادخل كلية كويسه، او انه عايز يرجع لأمي عشان حياتنا تبقى مستقره وكلام زي كدا عادي

2

10