كنا بنشتغل مع بعض من اول ما هو انعين و هو كان بيحاول يقرب مني من اول يوم بحكم اني انا اللي بسلم الناس الشغل اتعرفت عليه اول حد لمدة ٤ شهور و هو بيحاول يقرب مني يكبرني في الشغل و ميتخطنيش و ياخد رأيي في كل حاجة بيعملها في شغله رغم انه اكبر مني و اشطر مني بيحكي لي كل حاجة بيتلكك عشان يتكلم معايا ، يوصلني و انا مروحة رغم اني عكس اتجاهه تماما ادركت انه بيقرب مني عشان معجب بيا و انا كنت بحاول ارفض القرب دة لاني مينفعش يكون في اي نوع من انواع العلاقات ما بينا لحد ما ضعفت و قولت لية لا ؟ لية منجربش كدة كدة عمرنا ما هنتجوز هي علاقة بفوايد انا محتاجة وجود حد في حياتي يحبني و يهتم بيا و يسال عليا يحاول يبسطني و هو زهقان عايز يكسر ملل و فضوله واخده ناحيتي فا تمام هو كان بيقولي انه بيحبني و ميقدرش يتخيل حياته من غيري بس انا دة مكنتش بصدقه و مكانش فارق معايا لاني عارفة انها علاقة مؤقته فضلنا سنة مع بعض بنتكلم كل يوم بنخرج مرة على الاقل في الاسبوع عرف عني كل حاجة و انا كمان المفروض و اتخانقنا و اتصالحنا كان في عيوب كتيير انا عارفاها و شيفاها لو مكانش في موانع اننا نبقى مع بعض مكنتش برضو هختار اني اكون معاه مننفعش لبعض اصلا العلاقة اتطورت و راحت لحتت انا مكنتش عاملة حسابي عليها و لا عيزاها بس روحت معاها و مشيت مع التيار بدءت ضميري يأنبني و اضايق حاولت ابعد عنه معرفتش و رجعت تاني ليه من نفسي بعد يومين لظروف خارجة عن ارادتي و اكبر مني بقالي شهرين قاطعة معاه تماما بلوك من كل حتة حاول يوصلي اكتر من مرة و انا قافلت كل البيبان مش بشوفه مش بكلمه هو واحشني مفتقداه و مفتقدة وجوده مفتقدة اللي هو كان بيدهولي ان حد يكون موجود كل يوم طول الوقت بنتكلم بيطمن عليا بحكيله كل حاجة بيخرجني اول ما يصحى من النوم يدور عليا

6

0