عندي عقدة من الارتباط وبحب الوحدة.. انصحوني

Question

انا ٤٢ سنة اتجوزت واطلقت ومعايا ولد ١٢ سنة قفلت على نفسى  ورفضت عرسان كتير للاسف ماكانش حد فيهم مناسب ليا ومن فترة قريبة اتعرفت على حد من السوشيال ميديا بس هو اصغر منى ب٧ سنين وتفكيرنا مختلف تماما حسيت أنه ماينفعش نتعلق ببعض اكتر من كده وبعدت عنه بجد انا ماعرفش ليه جالى عقدة من اى حد يقرب منى أو من فكرة الارتباط وبقيت حابة الوحدة اكتر 
انصحوني اعمل ايه

Avocado_68588 🇪🇬 · Accepted Answer

صدقيني نفسك و صحتك و ابنك اهم من اي حد فى الدنيا 
مش عيب انك تحتاجي حد يكون معاكي ونس و ضهر بس صدقيني ابنك اهم بكتير و يستاهل طاقتك و حياتك اكتر من اي حد ازرعي فى ابنك حاجات حلوه عشان لما يكبر و يتجوز و يفضل ديما شايلك

Watermelon_68614 🇪🇬 · Answer

يمكن دا بسبب التجربة القديمة

Banana_68335 🇪🇬 · Answer

اهتمي بابنك هو سندك و ضهرك

Peanut_68412 🇪🇬 · Answer

روحي ودي ابنك النادي يلعب اي رياضه و فكري ف مستقبل ابنك احسن

Watermelon_68270 🇪🇬 · Answer

بلاش .. هتقع ف مشاكل اكبر

Ice Cream_61082 🇪🇬 · Answer

بلاش احسن

Apple_66014 🇪🇬 · Answer

انتي لسه صغيره ولو فعلا محتاجه يكون في حياتك حد يكون جنبك يبقي لازم تفكر في الجواز لانه ستر وعفه واكيد حيفرق معاكي كتير وخلي  عندك امل وطاقه

Kiwi_68560 🇪🇬 · Answer

حاولي تكسري حاجز الخوف دا لأنك هتكوني محتاجة لصدر حنينن وتحكي معاه وتكملي حياتك معاه 
وربنا يكرمك يارب

Banana_66333 🇪🇬 · Answer

دا بسبب التجربة القديمة بس ممكن لو ارتبكي بحد يكون في حدود الصداقه لو ارتباط كامل يبقى مناسب للسن والتفكير

Apple_68084 🇪🇬 · Answer

المناسب ليكى يكون ف توافق فكرى وعقلى مش بالسن يكون ف تفاهم وقبول ودماغكم وشخصيتكم شبه بعض

Pistachio_67952 🇸🇦 · Answer

عيدي اكتشاف نفسك ودوري جواها وبلاش ندخل تجربه تاخد تاني من طاقتك ونفسيتك ،،،ابدءي اثبتي نفسك وطوريها وحبيها هتبدءي وقتها تشوفي الهياه من منظور محتلف

Apple_64809 🇪🇬 · Answer

ابعدي احسن  
لسه صغير عليكي الا لو انتي عاوزه حاجه تاني منه

Orange_67483 🇪🇬 · Answer

وصلت لك مشكله في حياتك ثابت عليك اثر خلاص الحمد لله على كل شيء انما الحياه لازم تمشي وعشان تعيشي لازم تكوني متجوزه بس للاسف هيكون حجم اختياراتك اقل ادعي ربنا يوفقك للانسب والاصلح خليك مع الله في الفتره دي لانك فعلا محتاجاها

Almond_65303 🇪🇬 · Answer

حذار، ده شخص جى يتسلى، متوجعيش قلبك عل فاضى، اللهم بلغت، اللهم فاشهد،  وبكل الأحوال التجربة دى مش هتنجح، لو هو وافق أهله مش هيوافقوا، خليكى مع الناس الجادين اللى بيدخلوا البيت من بابه.

Avocado_67808 🇪🇬 · Answer

هو في ايه ياجماعه يعني مش من حقها تراعي ابنها وبرضه تشوف نفسها وتشوف حد يراعيها وتعمل حياة من اول وجديد

Potato_66678 🇪🇬 · Answer

انتي صح

Avocado_64171 🇪🇬 · Answer

من رائيي خليكي في حياتك مع ابنك حضنه احن من اي حضن راجل تاني واشغلي نفسك مع ابنك وانتي مش ناقصه تدخلي في حوارات مالهاش لازمه

Coconut_66250 🇪🇬 · Answer

حاولي تشوفي حد قريب ليكي في السن والعقلية ويجمعكم حاجات كثير لانك لسه صغيرة وحرام تقعدي من غير جواز لان ابنك هيكبر ويشوف حياتو ا وهتكوني انتي لوحدك.
لو اتقدملك حد وتكوني زوجة ثانية توافقي !؟