هل غلط أني بلوكت صاحبتي اللي بتجاهلني؟

Question

عايزة اخد رأيكوا في حاجه
انا دلوقتي عندي واحده صحبتي كنا مع بعض في نفس الكلية بس انا من محافظة تاني
لما جاه فرحها سافرت للفرح و حصل مشاكل في الفرح و انا فضلت معاها مش زي صحبنا الي مشيوا و سابوها في الفرح لوحدها و غيره اني كنت بدافع عنها قصاد صحابنا لما يزعلوا منها و كدا

المهم من شهر ٧ او ٨ ٢٠٢٤ و هي مش بترد علي رساليي
و انا كنت كل فتره ببعت لها اطمن عليها بس مكنتش بترد
مع انها كانت بتبوست و تشوف الاستوري عادي
المهم 
الشهر الي فات صعبت عليا نفسي رحت عملت لها بلوك و مسحت الشات و نسيتها

هل الي عملته غلط و لا صح

Coffee_58959 🇪🇬 · Answer

من وجهة نظرى انا شايفاه صح لانها مش بترد على مسيدجاتك وحتى بتشوف الاستوريز وكده ف كده هى مش هترد حتى لو مكنتيش عملتي البلوك ف من وجهة نظرى صح اللى عملتيه

Ice Cream_63106 🇪🇬 · Answer

طيب هيا زعلت ليه اصلا دا انتي اللي وقفتي معاها
هيا عندها حول في المشاعر ولا ايه😂

Mango_70209 🇪🇬 · Answer

الي عملتي دت صح
ارتاحتي من التفكير فيها الفكره انك معملتيش معاها حاجه وحشه وهي بعدت من نفسها يبقا من حقك تبعدي انتي كمان وتريحي بالك منها

Watermelon_68270 🇪🇬 · Answer

غلطانه 
التمس لها الأعذار

Kiwi_68560 🇪🇬 · Answer

صح صح صح

Mango_29955 🇪🇬 · Answer

عين العقل وأعتقد أن صحابها فاهمينها اكتر منك عشان كدا مشيو وسابوها

Avocado_69467 🇪🇬 · Answer

تعرفى ظروفها الاول يمكن حصلها شىء وحد تانى بيشوف رسايلك ليها ماكانش فيه داعى للتسرع

Strawberry_70229 🇪🇬 · Answer

صح جدا اعتذل كل ما يؤذيك 😍😘

Coffee_58959 🇪🇬 · Answer

انا اسفه لحضرتك بس الاعذار دى ممكن لو شهر او شهرين انما ده اكتر من سنه وبتشوف الاستوريز وهكذا وهى بقالها سنه مستنيه منها رد وبتبعتلها ف بكده التمستلها اعذار كتير 
وانا اسفه تانى مره 🙂

Ice Cream_63445 🇪🇬 · Answer

انا اللتمست لها كتير و كنت ديما بخلي الناس تلتمس لها كل الأعذار

Watermelon_68270 🇪🇬 · Answer

كملت السبعين عذر 
مش اسف ولا حاجة احنا اخوات 
اللى بتعمليه قطع ليلة رحم بلا سبب معلوم 
الصح تروحلها زيارة 
او تسكتي لحد ما يظهر سبب حقيقى 
لكن منسبش دمغنا للشيطان يشكل افكرنا

Hazelnut_68425 🇪🇬 · Answer

صح ، لا تضيعي وقت ومشاعر على اللي عايز يبعد
 انتي تعاملتي بالاحسان وجزاك الله خير على ده و الاستغناء عافية في الحالة ديه ،الله يحفظك.

Biscuit_70238 🇪🇬 · Answer

لا متعمليش بلوك، سبيها برحتها انتي بعتي وهي مردتش خلاص سبيها ومتركزيش معاها ، ولما هي تتكلم ردي عادي بردو

Coffee_58959 🇪🇬 · Answer

انتى استحملتي كتير منها واللى مش بيديكي اى اهتمام امسحيه من حياتك بجد انا حصلي نفس الموقف من واحده صاحبتي برضه شيلتها من حياتي بس الفرق انى فضلت مستنياها سنتين عشان ترد عليا

Chilli_28482 🇪🇬 · Answer

لو عايزة تكلمك هتكلمك اللي عملتيه صح