عايز أرجع ملتزم تاني بعد انتكاسة ٥ شهور

Question

السلام عليكم ورحمه الله وبركاته 
انا عايز ارجع مستقيم تاني عايز ارجع ملتزم تاني
انا اتحولت من شخص بيصلي الفروض الخمسة في الجامع واذكار وقراءن وعلطول شغال اذكار مش بوقف  انا وفي الشارع ومكنتش بشتم وبيصلي السنن لشخص مش بيصلي الفروض بس انا جوايا حتة نظيفة وعايزة ترجع انا في الانتكاسة دي من ٥ شهور تقريبا دانا كلن بيدرب بيا المثل في الشخص الملتزم وانا والله خسران كتير اني بعيد عن ربنا وانا عارف الشعور الالتزام 
لو حد عنده نصيحة من فضلك ادهاني لاني محتاجة جدا 
ولو مش هتقدر ادعيلي من كل قلبك لو سمحت

Avocado_52061 🇪🇬 · Accepted Answer

#3 الحمد لله توبت منها وربنا رزقني بشخص كويس في الحلال وبقيت مراته الحمد لله 
الخلاصه خليك خطوه خطوه وابعد عن أي حاجه ممكن ترجعك لأي ذنب كنت بتعمله لو عندك صحاب سؤ ابعد عنهم لو عندك ابلكيشن معين بتسمع من عليه اغاني علطول امسحه 
وهكذا يعني 
واسفه اني طولت 💗

Avocado_52061 🇪🇬 · Answer

انا ذيك بس انا في الانتكاسه دي بقالي سنه 
بس بدات افوق لنفسي شويه وبدات ااقل حاجات كتيره كنت بعملها غلط "مش بجاهر بالمعصيه بس عشان اعرف افهمك" 
بص مثلاً الاغاني أنا مكنتش بسمعها خالص بس رجعت اسمعها تاني كنت مرتبطه بشخص مع اني كنت بقول عمري ما اعمل زنب زي داا
حاجات تانيه غيرهاا وللاسف اغلبها كانت ذنوب شوفت غيري بيعملها وقولت انا استحاله اعمل كده ف نتعلم أننا لما نشوف حد بيعمل ذنب معين ندعيله

Avocado_52061 🇪🇬 · Answer

#2 ندعيله ربنا يهديه 
المهم عشان مش عايزه اطول عليك انا بدات اخدها واحده واحده عشان منتكسش تاني بسرعه يعني دلوقتي يجاهد نفسي اني انتظم على صلاة الفجر الصلوات التانيه مقصره شويه فيها بس بحاول بس اهم حاجه اصحى الفجر اصلي عشان دي اكتر حاجه مكنتش بعملها الصلوات التانيه وقت الانتكاسه اوقات كنت بصليها ، الاغاني بطلت اسمعها والتايم لاين عندي كله بقى قرآن واغاني بدون موسيقى ، العلاقات الحرام

Coconut_14453 🇪🇬 · Answer

عشان تعرف ترجع فلازم ترجع تدريجي يعني مينفعش تضغط نفسك عشان متنتكس تاني
اول حاجة خلي ف ابليكشن للاذان علي موبايلك يسمعك عشان لو ماخدش بالك ان اذان اذن اول ما تسمع صوت اذان اين كان اللي ف ايدك سيبه وقوم صلي وانت بتصلي ادعي  ان ربنا يقربك اليه تاني حاول تعمل كدا لمدة اسبوع صلاة الفجر حاول تصليها حاضر  انزل من بيتك دايما متوضي عشان لو سمعت اذان ف اي وقت وانت برا ومفيش جامع تعرف تصلي

Coconut_14453 🇪🇬 · Answer

متصليش سنن ومتقراش ورد للقران غير لما تعرف ترجع تنتظم ف الفروض اساسية تاني واول ما ترجع زود واحدة واحدة مرة تنزل تصلي ف جامع فرض من الفروض لغاية ما تعرف تنزل تصليهم ف جامع كلهم باذن الله
شوف حاوليك مين وشوف ايه اسباب اللي خليتك تبعد اصلا اصحاب بقي حاجة جديدة بقيت تعملها راجع حياتك عموما وانت لوحدك هتحدد ايه اللي اثر عليك وطبعا هتحاول تبعد
ممكن تبدا بركعتين توبة الي الله وان ربنا يعينك

Coconut_14453 🇪🇬 · Answer

لو ف شغل واو حاجة او بتسمع اغاني بدلها ببودكاست تجدد ايمانك ف حتجات مدتها 10 دقايق عادي مش شرط ساعة
خلي ف بالك دايما ان ترك الصلاة اعظم من الزنا فمتحاولش تاثر ف الفروض الباقي سنن مقدور عليها لكن الفروض لا استعيذ بالله دايما من شر نفسك وشر الشيطان واخر حاجة علاقتك بربنا متحكيش لحد عليها لان دي اكتر حاجة بتتحسد اصلا الله يهديك يارب ويرزقك طاعته ويردك اليه ردا جميلا باذن الله

Biscuit_20744 🇪🇬 · Answer

انك تكون لسه بتأنب نفسك لما تعمل معاصي دي حاجة كويسة،جرب تقعد لوحدك فكر في كل المعاصي اللي انت عملتهاوافتكر ندمك عليها و استغفر كتييير و انا بقول اقعد لوحدك و اعمل كده عشان متكونش بتستغفر باللسان بس لا يكون فعلا ندم منك و بعد كده قوم اتوضأ و صلّ ركعتين و ادعي كتير في السجود ان ربنا يقويك على طاعته و ييسرها عليك ،و حاول تدخل دورات حفظ قرآن تاني او أي حاجة لعل الله يلقي في قلبك آية تكون سبب في عودتك

Biscuit_20744 🇪🇬 · Answer

و شوف فيديو لا بأس ببداية جديدة من سلسلة فضفضة الاحد

Mango_51124 🇪🇬 · Answer

الصحبة يا صاحبي 
شوف حد يشدك ويرجعك

Peanut_28647 🇪🇬 · Answer

اسفة ليه 
بجد شكرا جدا انت مكسلتيش وكتبتي كل ده
شكرا

Mango_25275 🇪🇬 · Answer

جهاد نفسك تؤجر عليه ان شاءالله 
استعن بالله من غير ماتشق على نفسك 
داوم على ذكر الله وان شاء الله تخرج من الدايرة دى وصدقني كلنا فيها وربنا ارحم بينا من أنفسنا

Avocado_52061 🇪🇬 · Answer

العفو 💗