عايز احكي بس تنصحوني اعمل ايه بامانه كانكم مكاني ؟؟ يمكن الموضوع يبان درامي شويه بس ده اللي حصل انا 19 وهي16.. ما كناش زي اي اثنين بيحبوا بعض كنا فعلا مختلفين حتى في مشاكلنا كانت بتبقى مختلفه وليها طعم تاني وكنا دايما بنتفق ان ما فيش حد ينام وهو عارف ان التاني زعلان منه او اخذ على خاطره وما يراضيهوش وكان فعلا بيحصل كده.. لحد من شهر فات اللي هو شهر 7 ابتدي الخناقات تزيد زي ما تكون متعمده ان يحصل مشكله فخد رد فعل مش حلو على المشكله مع ان انا في نيتي ما بقاش عايز اعمل مشكله او تصنع المشكله يعني ما فيش حد مننا بيحب يكون في مشكله مع حد بيحبه عموماً المهم جت في يوم في الشهر ان انا ضاغطها وانها المفروض تهرب الناس كلها وتيجي تحكي لي مشاكلها مش تيجي تلاقيني بتخانق معاه حتى لو هي سبب المشكله يعني فقالت لي خلينا نطمن على بعض كل فتره والثانيه ولما تبقى جاهز ونخلص دراسه تعالى اتقدم وانا كل اللي هقدر عليه اني هستناك.. اتفقت معاها وقلت لها خلاص ماشي وكانت هي اصلا يعني عايزه العلاقه تبقى في الحلال فجاه كده مره واحده يعني وسط كلامها قالتلي انها مش عاجباها العلاقه في الوقت ده او جاهزه لها.. اتفقت معاها طبعا.. صحيت تاني يوم لقيت بلوكات من على كل حاجه هي ومامتها بالمناسبه مامتها كانت تعرف بعلاقتنا.. يومين ما اعرفش عنهم حاجه ولا اي تواصل من اي حاجه وانا اليومين دول انا مش فاهم اي حاجه نهائي .. اللي هو مفروض اصلا ابسط حقوقي.. بعد اليومين ما عدوا كنت هتجنن واعرف في ايه.. وكلمت مامتها من الاكونت بتاعي الثاني قالت لي ان باباها سمعهم يعني بيتكلموا عني وبهدل مامتها وبهدلواابنت وخلها تعمل لي بلوك قدامه وده كان كلام مامتها.. اتواصلت مع البنت من نفس الاكونت بتاعي وقالت لي ان هي لسه بتحبني ومازال حبها في قلبي بس باباها عارف ونفس القصه يعني اللي مامتها قالتهالي .. وانا طبعا كنت في قمه غضبي ساعتها طبيعي واحد اتساب لدماغه بقصد بقى ومن غير قصد انا ساعتها مش هفكر في نية اللي قدامي ازاي؟!!!.. اتكلمنا بعدها فتره ثم قالتلي ان مشاعرها راحت وطاقتها خلصت وما عندهاش اي مشاعر ومراكمه حاجات كتير جواها عموما بسبب المشاكل مؤخرا بتاعتنا ثم اللي حصل لها من باباها يعني وشككك فيها اكتر من الاول.. وانها مش عايزه تظلمني معاها فصارحتني دلوقتي!! قالت لي شوف حياتك وكل شيء قسمه ونصيب وقالت لي ما تبعتليش تاني حتى انا سالتها قلت لها طيب لما ابقى جاهز اقدر اخبط علي الباب قالتلي لا متجيش!!!.. طبعا حاولت اوصل لها اكثر من مره من كذا مكان كل ما اتكلم معاها تقول لك فيها مشاكل لحد كده وما تبعتليش تاني وحرفيا اتغيرت 180 درجه!! انا مش فاهم هو هاين عليها البعد وقادره كده ازاي؟!.. مش فاهم بتعمل ليه كده مع اكتر واحد شاريها وباقي عليها .. عشان كان في ما بينا مشاكل وخناق فتره ده يخليها تسيبني وتخسرني للابد!!؟.. الفكره ان انا بعد ده كله انا لسه بحبها مش فاهم هي ليه بتعمل كده انا عارف انها بتحبني.. بس ليه مصدره لي انها خلاص كرهتني وتبعدني عن حياتها كلها وعملت لي بلوك من على كل حاجه ما عدا الانستا سايباه وعملاها برايفت!! انا مش عارف اتصرف معاه ازاي؟؟! ومش فاهم ايه عملت كل ده ليه؟؟؟ تنصحوني بالله عليكم انا حياتي اتدمرت!!

0

8