عايز أرجع أنظم حياتي بس مش قادر أبدأ - تعبت من الشتا

Question

عايز أرجع تاني أصحى بدري.
عايز أرجع انتظم في الجيم.
عايز أرجع اذاكر وأطور نفسي في مجال شغلي.
بس مش قادر أبدأ مفيش طاقة ولا شغف ولا نفس.
أنا بكره الشتا وبتعب جسدياً ونفسياً جدا بسببه وكل حاجة في حياتي بتتلخبط.

Marshmallow_28253 🇪🇬 · Accepted Answer

جرّب تكتب مشاعرك أو تتكلم مع حد قريب لو حاسس بضغط نفسي.
كافئ نفسك على الإنجازات البسيطة: كل خطوة صغيرة تاخدها تستاهل مكافأة، حتى لو كانت كوب شاي بتحبه أو مشاهدة فيلم بسيط.
 الشتاء بيأثر على ناس كتير: طبيعي تحس بثقل في الشتا، بس المهم تحاول تكسره بحاجات تحبها زي الرياضة، أو موسيقى ترفع مزاجك.
وأهم حاجة تقوله إنه مفيش حاجة بتتغير في يوم وليلة، لكن بخطوة صغيرة كل يوم، التغيير ممكن.

Marshmallow_28253 🇪🇬 · Answer

ابدأ بخطوة صغيرة ومحددة
لو عايز تصحى بدري، جرب تقدم معاد النوم نص ساعة بس كل يوم.
لو عايز ترجع للجيم، ابدأ بتمرين بسيط في البيت أو اطلع تمشي 10 دقايق.
لو عايز تذاكر، حدد موضوع صغير واتعلمه في نص ساعة بس.
ذكّر نفسك بالهدف الأكبر: فكر دايمًا في ليه أنت عايز تعمل ده؟ النجاح في شغلك؟ تحسين صحتك؟ خلي الهدف قدامك دايمًا.
اهتم بالطاقة النفسية والجسدية:
حاول تعرض نفسك للشمس على قد ماتقدر

Apple_27423 🇪🇬 · Answer

انتي بتتكلمي عني بالضبط بجد

Mango_33390 🇯🇴 · Answer

اخي اذا بتحب تحكي وتفضفض ، انا بسمعك وبساعدك عقد ما اقدر ، اعتبرني اخوك وصديقك

Coffee_40196 🇪🇬 · Answer

نفس المشكلة

Orange_51569 🇪🇬 · Answer

تقدر لو بدات