مخنوقه من صحابي وعاوزه اكون لوحدي

Question

عندي صحاب بحبهم وبيحبوني بس انا مش عاوزه امشي معاهم تاني حاسه اني عاوزه اكون لوحدي مخنوقه وللعلم اننا صحاب بقلنا سنين وعمرنا ما سبنا بعض بس انا عاوزه اكون لوحدي ولو قولتلهم كده هيزعلو وانا مش عاوزهم يزعلو مني اعمل اى

Coffee_27700 🇪🇬 · Accepted Answer

عبري عن مشاعرك ليهم. هما بيحبوكي وهيفهموكي وممكن ده يساعدك.
قولي لهم انت حاسة بأيه وكلميهم عن مشاعرك وخنقتك والضيقة اللي بتمري بيها واحساسك انك عايزة تهربي وتبقى لوحدك. بس متقوليلهمش انك عايزة تسيبيهم لأن ده مشاعر مؤقتة وإن شاء الله هتبقى أحسن.

Mango_40283 🇪🇬 · Answer

اعملى اللى يريحك واللى مايتقبلش دى حاجة تخصه هو

Cherry_37654 🇪🇬 · Answer

اكيد في فتره زعلك فتره وهتعدي ان شاء الله 
انتو صحاب وعشرة عمر وضحلهم بس سبب ضيقتك وانك حابه الفتره دي تبقي لوحدك واكيد هما هيقدرو رغبتك في كده

Potato_40118 🇪🇬 · Answer

لازم تتكلمي معاهم إن مساحتك الشخصية مهمة جدا و لما تبقي عايزة تقعدي لوحدك عادي اطلبي دا و وضحي انك بتبقي اهدي لوحدك و اما هترجعي تاني لطبيعتك هتقعدي معاهم تاني و ان متفهموش دا اعملي اللي يريحك و مرة علي مرة طبيعتك هتتفهم و هيحصل دا من غير زعل، الصحاب اللي بجد اللي بيسيبوكي تاخدي وقتك و هيبقوا واثقين انك هترجعي تاني سواء بمساعدتهم أو لا