تائهة في دماغي والواقع مش حقيقي

Question

مع الوقت بتأكد إن عادي اعيش تائهة طول عمري ممكن يكون ده الطبيعي
عادي اعيش في دماغي واخلق شخصيات لأن الواقع ده مش حقيقي احلامي مبالغ فيها 
معرفش بس هم وحشوني،هم لسه موجودين بس هم مش حقيقين وهيفضلوا ناس مش كويسة بس انا خلقت ليهم صورة كويسة
كان نفسي اتحب

Hazelnut_52786 🇪🇬 · Accepted Answer

1.	عادي تحسي بالتوهان، بس متسيبيش نفسك فيه طول الوقت، حاولي تلاقي حاجه حقيقية تمسكي بيها حتى لو كانت بسيطة.
	2.	خيالك حلو، بس ميخدعكيش عن الحقيقة، اللي بيحبك بجد هيبان من أفعاله مش من الصورة اللي رسمتيها له.
	3.	حبي نفسك الأول، عشان لما الحب ييجي تعرفي تفرقي بين الحقيقي واللي بيكملك وبين اللي بيكسر فيكي

Coffee_55645 🇪🇬 · Answer

ياريت تحاولي توضحي كلامك اكتر عشان نعرف نرد عليك ونكون جنبك ونسندك

Chilli_55453 🇪🇬 · Answer

دايره مفرغه لازم تتكسر ويحصل مواجهه للواقع لأن المواجهه هتحصل كده كده

Peanut_56462 🇪🇬 · Answer

انت بتحاولى تملى الحته الفاضية اللى جواكى بالاوهام والتخيلات اللى بتتمنى انها تكون واقعيه
فمش بتلاقى ده فبتفضلى تايهه فى دايرة ومش عارفه تخرج منها
يبقى لازم بقا تعملى إيه
تواجهى الواقع حلوو ووحشوو 
مفيش حاجه سهله وبسيطه

Mango_55662 🇪🇬 · Answer

حبي نفسك الاول +عيشي الواقع بحلوه ومره واكيد هتلقي الى يحبك وتحبيه +اشغلى نفسك وحولى متكنيش لوحدك

Watermelon_55721 🇪🇬 · Answer

الواقع دايما وحش يا ليمونة،وتخيلاتي واوهامي دي ساعدتني بس انا مش عارفة اعيش في العالم الحقيقي لأنه وحش اوي

Watermelon_55721 🇪🇬 · Answer

ماهو كلام سطحي اوي يعني زي معلش وهتعدي وهكذا،ومبتعديش

Watermelon_55721 🇪🇬 · Answer

قصدي على صحابي اللي سابوني ،واني بتكلم إني عايشة فالاوهام دايما مش ارض الواقع

Watermelon_55721 🇪🇬 · Answer

عارفة بس هي اصعب من اللي توقعته ،وبحاول اهرب منها بشخصيات فدماغي بس خلاص..مبقتش عارفة
حتى السجاير مفعولها مبقاش شغال

Chilli_55453 🇪🇬 · Answer

مفيش افضل من المواجهه حتي لو الواحد خسر بيتعلم من خسارته وبيطلع في الاخر كسبان

Mango_55662 🇪🇬 · Answer

ايه الى سطحى بالظبط؟ +ابداء اتعلجى وانا بديكى نصايح ممكن تطلع غلط عادى شوفى الى ينسبك واعمليه

Coffee_56241 🇪🇬 · Answer

بشكرك على صراحتك وصمودك كل الوقت ده 👏🏻
ثانيا ممكن تكوني اتأذيتي أو اتخذلتي من ناس قبل كده، وده بيخلي مخك يقولك "خليك في الآمن، خليك في دماغك". بس الحقيقة؟ فيه ناس كويسة فعلاً، دوري على صحبة صالحة إيجابية وواجهي الدنيا 💜

Watermelon_55721 🇪🇬 · Answer

هتعالج حاضر،نصايحك تعتبر كلام سهل انا عاوزة حلول مش اكتر

Watermelon_55721 🇪🇬 · Answer

مفيش حد كويس بجد،ممكن تكون المشكلة فيا

Watermelon_55721 🇪🇬 · Answer

كسبت ايه؟ انا مش معايا حاجه

Coffee_55645 🇪🇬 · Answer

الصحاب مش دائما كويسين ف المناسب وفي الغير مناسب ودا طبيعي ع حسب شخصيتك ومعظم الصحاب حاليا مصلحه مش اكتر ف اختاري المناسب معاكي ومتعديش الاحترام معاكي ولا تقولي صاحب صاحبك ع عيبه لان ممكن عيبه يوديكي ف داهيه او يقلل من ثقتك ف نفسك او من حياتك اختاري اليرضي الله ورسوله هترتاحي

Chilli_55453 🇪🇬 · Answer

علي الاقل الواحد يكسب أنه يبقي اقوي ويعرف يتعامل مع ضغوطات الحياه

Watermelon_55721 🇪🇬 · Answer

هم كانوا كويسين،وصحابي من 6 سنين وحرفيا كل حاجه فحياتي

Coffee_56241 🇪🇬 · Answer

كام واحد داخل التطبيق هنا عشان يساعد الباقيين وهو مش كسبان منهم حاجه؟ كتير 
انتي نفسك لا أذيتي حد ولا عملتي حاجه 🤷🏻‍♂️
هتلاقي كتير بس حاولي تخرجي ومهم تتابعي ثيرابيست

Peanut_56462 🇪🇬 · Answer

مهو محدش قال انه حلو وعليه سكر ولكن لازم نتأقلم مع الظروف اللى بنقابلها

Watermelon_55721 🇪🇬 · Answer

صعب الاقي حاجه حقيقية وسط كل ده،الموضوع شبه مهرب كده انا ما بصدق الاقي مهرب

Coffee_55645 🇪🇬 · Answer

الايام بتغير والشارع بيعلم والمعامله مع الغير بتغير سلوك الشخص وكمان كل ما بنكبر بنكون عايزين مصلحتنا وبس اكتر

Apple_56687 🇪🇬 · Answer

انا زيك وعندي شخصيات كتير 
بس صدقيني طلعت اتحب وبقى اللي يكرهني طز فيه