خاوتي كاش طبيب نفسي مليح في الجزائر العاصمة ؛و يكون مجاني انا من نهار تزوجت مرضت مرض نفسي؛قلق كبير خايف يقتلني هذا القلق ،لانو ما يحبسش ڤاع ....مع أنو زوجتي نعم الزوجة ، لكن علاقتنا من نوع خاص .هي كانت زميلتي في العمل تكبرني بسنين تزوجت بيها لأنها فحلة في زمان قليل وين تلقا وحدة كيما هي ؛ شفت فيها أمور خلاتني نحب نتزوج بيها ،حبيت نفرحها لأنها تستاهل ،و حقا تستاهل كل خير ،مع اللول الأهل ما وافقوش لكن كي شافوها شحال عاقلة و بسيطة و تحب الخير للناس حبوها ،ما كنتش واجد لكن درت كلش باش نتزوج بيها في ضرف عام لأنها كبيرة في السن باش نخافظ على فرصنا في الانجاب ، كنا فرحانين ،لكن غير ناس سمعت بداو يهدروا في الخدمة ، بارتو ، دارونا سوجي ؛و انا بدا يحكمني الوسواس ، وسواس الانجاب؛وسواس الجمال ؛بعد سنوات كيفاش ...بصح ما قدرتش نتراجع لأنها تغيضني و وعدتها و علابالي ما نلقاش كيما هي،مرضت زاد القلق تاعي ؛يكبر و يكبر نوبات هلع ،بصح صابر و حالف نموت و ما نخليهاش،بعد زواجنا صاح صدقت نعم الزوجة ؛صابرة و تطهلا فيا ؛ و حنينة بزاف و مومنة تحب القرآن ،صلاة في وقتها ؛لكن تراودني أحيانا وساوس الجمال و العمر و الانجاب ،نقول بالاك ضلمت روحي بالاك ظلمت والديا ،انا ابنهم الوحيد هكدا ما يكونش عندهم حفيد ، الخ.... بصح تغيضني و ما نحبش نبيّنلها ،مسكينة هي تدير كلش باش تريحني تشريلي مكملات غذائية ؛تيزانات تقولي بيك الكولون .دوك انا ما فهمتش ايدا عين ،ايدا سحر ،ايدل مشكل نفسي .المهم انا مارانيش حاب نسمح فيها ،نموت و ما نسمحش فيها ،نحبها .حبيت برك الوسواس هذا يروحلي ،حبيت نسترجع فرحتي تاع زمان ؛و طمأنينة تاعي...او تحبسلي هذا الأعراض الجسدية....

2

10