لا أخفيكم سرًا يا جماعه بس أنا صعبان عليا نفسي أوووي صعبان عليا قسوة الدنيا عليا ف سن من المفترض إني بعيش فيه شبابي ،ف السن اللي المفروض هقول عليه لما أكبر ليت الشباب يعود يومًا،أتوقع إن أنا الوحيده اللي مش هقول ليت الشباب يعود يومًا،لأن شبابي كله تعاسه ،صعبان عليا إن السن اللي المفروض معروف بسن النشاط والحركه بيضيع ف تعبي وحزني ،طب أنا كده هعيش حياتي امته؟ هكمل حياتي ميته على قيد الحياه! صعبان عليا نفسي وقلبي اللي ملقاش مكان واحد بس يرتاح فيه ويحس فيه بالأمان والطمأنينه صعبان عليا حنيتي وطيبتي ومشاعري اللي ضاعوا مع ناس ميستاهلوش والأذى اللي اتردلي مقابل الحب والحنيه اللي قدمتهم وأنا صغيره عمري ما كنت أتخيل إن حياتي هتبقى بالتعاسه دي وإني لما أكبر هبقى قليلة حظ كده والحقيقه مبقاش عندي أمل ف الحياه مبقاش عندي أمل إني ف يوم من الأيام هلاقي يوم واحد أرتاح فيه وقلبي يهدى ويرتاح مبقاش عندي أمل لأني بقالي سنين ف تعاسه وحزن بس مشوفتش يوم واحد يفرحني أنا كرهت الحياه ولا أخفيكم سرًا إني بدعي ربنا ياخدني ويريحني وإني معيشش بعد العمليه وياخدني بقه ويريحني من الدنيا دي علشان أنا تعبت بجد

12

0