لي صديق من حوالي اكثر من 22 سنه جيران مع بعض حبايب طول عمره ما كنتش دايما بركز في مين يسال على الثاني بس في الغالب كان انا بسال وبطمن عنه هو صديق زي الاخ بالرغم ان احنا كنا بنختلف في حاجات بس كان بيجمعنا دايما الاحترام والحب والاخوه بالرغم ان هو مع الزمن اختلف كثير واراء اختلفت وشخصيته مع الزمن اتغيرت صديق ده شخصيته غريبه بيحب يعمل حاجه وما يقولش يعمل عمليه ما يقولش تحصل له حاجه ما يقولش ولازم احنا نعرف من حد ثاني بالصدفه مع ان انا دايما شايف ان انا الاول عنده ولكن بعرف كل حاجه ممكن من اي حد ثاني بالرغم من ده كله ولكن كان بيجمعنا دائما الصداقه الحقيقيه فوجئت من فتره انه هيعزل من المنطقه اللي احنا اتربينا وعشنا فيها مع بعض انا كنت مقدر كل ظروفه وربنا يسهل له بس كان عندي طلب بحكم العشره اديني بس ساعه زمن اقعد معايا فيها قبل ما تمشي اودعك لان انا الحاجه الوحيده اللي كانت بتطمني عليك ان ممكن اكون راجع من الشغل بالليل الاقيك في البلكونه والاقيك في الشارع بالصدفه اسلم عليك احكي معاك اطمن عليك ممكن وانا راجع من الشغل او طالع في مشوار الاقيك بالصدفه اسلم عليك افتكر ايامنا الحلوه دلوقتي لانك سكنت في مكان بعيد عني قال لي حاضر وكان دايما وعود انه هيجي لي وفوجئت برده ان هو عزل وانا ما اعرفش اتصلت بيه ما ردش سبته بس وسبته وانا مجروح ومكسور لاني حسيت ان هو ده ما كانش عشمي فيه بعد كل العشره دي انا ما قصرتش معاه ابدا ابدا بالعكس انا دايما كنت في ظهره زي اخوه كنت بسال عليه اكثر مكان بيسال عليه اهله بس ما اعرفش تصرف زي كده ليه من بعد التصرف ده وانا حسيت ان انا قفلت منه وانه انا حتى مش عاوز اسال عليه ثاني والحاجه الوحيده اللي تشفع له عندي العشر اللي ما بينا ما اعرفش هل الغلط عندي انا عشان انا اللي دايما لسه متعلق باصدقاء زمان ما عرفتش اطلع من الدايره بتاعتهم ولا الغلط عنده هو وان هو قرر انه يستغنى ما اعرفش مش قادر ان انا اكلمه وارفع سماعه التليفون عليه من كتر زعلي وما اعرفش هل هيكلمني ثاني ولا لا او حتى هيفتكرني اصلا لكني دايما افتكره بالخير بس للاسف في بعض المواقف كده ودالواحد ما بيقدرش ينساها

5

2