صحبي بيتجاهلني ومش عايز اخسره

Question

شباب هو لو انا واحد صحبي كان فتره بنروح كل الاماكن سوا و بنعمل كل حاجه سوا و بينا كلام رايح جي و دلوقتي انت عارف ان في فتره مش احسن حاجه(عشان هو قال) بس انت شايفه بيتكلم مع حد صحابكو تاني بشغف و بقي بينزل معاه الاماكن الي كنتو بترحوها و بقي بيكلمو علطول عكس ما كان بيكلمك رغم اني كنت بعمل اي حاجه عشان اشوفو مبسوط فا انا دلوقتي في حيره مكلمهوش خالص و اسيبه  لحد ما يفهم اني واخد.جمب منه بس انا عشان عارف شخصيته عارف انه ساعتها مش هيجي في دماغه اني متضايق و برضو مش عايز اعاتبه عشان اخر فتره انا عاتبته كتير و كده هبقي بتقل و انا دماغي مش سيباني و مش عايز اخسره ده بالذات

Avocado_73251 🇪🇬 · Answer

مش عايز تخسرة ليه طيب ما هو كارف لك سيبه و اتعرف على غيره و هو لو بيحبك هيفهم و ييجي يعتذر متقعدش تفكر بقى و تشغل دماغك بيه

Chocolate_40055 🇪🇬 · Answer

اي شخص غالي عليك و قضي معاك وقت كتير طبعا صعب تتخلي عنه لأنه معزته عنده غاليه و الذكريات دي ميقدرش ينقلها لشخص جديد و خلاص بالسهولة دي ، الموضوع بسيط بالنسبة لك لأنك محطتش نفسك مكانه ، و غلاوة صاحبه عنده مش زي غلاوته عندك ، و عيشته معاه و مراقبته ليه اكيد في كلام كتير اوي جواه مستخبي هو بس قال المضمون و لكن التفاصيل الصغيره بتفرق و يمكن صاحبه اصلا مش قصده كده ، متقولش كلام يدايق و خلاص

Chocolate_40055 🇪🇬 · Answer

عامله عادي زي ما بتعامله بس مش تموت نفسك عشانه ، مش لازم تسأل انت كل شوية مش لازم تخطط للخروجات مش لازم تعمل انت كل حاجه اديه زي ما بيديك طالما هو بطل يديك بطل انت كمان تديه بنفس القدر و في اي لحظه مناسبه لمح له كده او صارحه بالكلمتين اللي في قلبك من غير ما تضغط عليه مش لازم يبقي عتاب كامل خليك هادي و حنين و انت بتكلمه و عادي ممكن صاحبك زهق من القرب شوية مش دايما بتبقي الحاجه وحشه عشان نبعد عنها

Carrot_55533 🇪🇬 · Answer

مش معنى كدا تخسره لا عادي كل فتره و التاس بتتفلتر و المراتب بتاعتها بتتغير في حياتنا عادي تقبل ده و اوعي تظهر إنك متضايق

Chocolate_40055 🇪🇬 · Answer

اتفق مع كلامك إلا اخر جمله ، لأ من حقه يظهر انه مدايق و لازم يعمل ده قبل ما يخسر صاحبه فعلا لأن مش شرط صاحبه قصده فعلا يبعد عنه كده ممكن بجد مش واخد باله و لازم ينبهه قبل ما يتسرع الاول و لو ملقاش فايده يبقي يخفي زعله بعدين

Apple_73294 🇪🇬 · Answer

يا برو انا اسرع واحد يتخطي بس باجي عند الناس الي فعلا يتعدو علي صوابع ايدي الواحده زيه هو و مقدرش ابعد بسهوله

Apple_73294 🇪🇬 · Answer

صدقني كله سهل معادا اخر جمله

Apple_73294 🇪🇬 · Answer

ردك علي الناس و ردك عليا بيبين انك اتحطيت في الموقف ده قبل كده بس صدقني انا مبقتش انام م التفكير بجد

Chocolate_40055 🇪🇬 · Answer

يمكن بس مش شبهه ، انا بس بعرف احط نفسي مكان الناس عشان اقدر اساعدهم و مروري بتجربه مشابهه بيساعدني في اني احس بصاحب المشكله اكتر ، بس شاطر انت شكلك بتفهم و هتعرف تحل المشكله بنفسك انت بس يمكن كنت محتاج تفضفض مش محتاج حل فعلي