صحبتي بتعاني من أهلها ومش عارفة أساعدها

Question

جماعه انا عندي صحبتي القريبه مني حالتها النفسيه وحشه واهلها بيعملوها وحش وخصوصا باباها وبسبب معملتهم دي شربت حاجات كتير وحشه زي الواين والحشيش وكل دا ف هما عرفو وعملوها اوحش كمان محدش محتويها ومحدش بيسمعها منهم وانا مش عارفه اطلعها من الي هي فيه كل ما بتحاول تكون كويسه هما بيخلوها تبقي اوحش ويشتموها ويقولولها امشي مش عايزينك واخوها بيضربها فهي كانت امبارح بتقولي انها لمت هدومها في الشنط وبتفكر تمشي في اي وقت هما مش بيخلوها حتي تنزل تخرج اخرها الجامعه بس اعمل ايه معاها اتكلمت مع مامتها كتير قالتلي انا شلت مسؤليتي منها وابوها مش هيخليني ادخل فحاجه انا بجد مش عارفه اعملها ايه وانا بحبها اوي ومقدرش استغني عنها فمش عارفة افضل ساكته كده

Strawberry_33156 🇪🇬 · Answer

لا طبعا مش لازم تسكتى وبدل اهلها مش عايزنها وهى مدمره اوى كده ف اسلم حل دلوقتي انها فعلا تهرب من البيت انا عارفه انها حاجه غلط جدا بس هى لو فضلت قاعده فى البيت ده اكتر من كده اعتقد ممكن تلجأ لحاجات تانيه مش كويسه او لقدر الله تفكر فى الانتحار وانتى بتقولى انكم فى الجامعة ف ممكن تشتغل وتصرف على نفسها او ممكن تخديها عندك بيتك او بيت اى صاحبه تانيه المهم انك تكونى معاها الفتره دي واهم حاجه انها تروح

Strawberry_33156 🇪🇬 · Answer

لدكتور نفسي او مصحه تتعالج من الادمان انا عارفه انها خطوه صعبه جدا بس حاولى توفرى ليها مكان تقعد فيه وفلوس كمان واهم حاجه طبعا تقرب لربنا وخليها تصلى وتشكى ليه وربنا مش هيردها ابدا وان شاء الله خير وربنا يشفيها وترجع احسن من الاول يارب بس بعيد عن اهلها

Cherry_29864 🇪🇬 · Answer

مش عارفه ستيب انها تسيب البيت دا حساه غلط اوي وخصوصا هي لسه صغيره برضو يعني احنا 19 سنه لسه اكيد عشان تسيب البيت لازم تكون شايله مسؤوليه وفلوس عشان متتبهدلش

Strawberry_33156 🇪🇬 · Answer

عندك حق فعلا اعتقد مينفعش طب مفيش حد من قرايبها يعنى مثلا خاله او عمه او حد قريب منها مثلا ويقدر يساعدها

Cherry_29864 🇪🇬 · Answer

كانت بتحكيلي من كام يوم انها كانت حاكيه اسرار لبنات خالتها وراحو قالو الاسرار دي لمامتها وبوظو الدنيا اكتر😂