صحبتي ماتت وخبر وفاتها نزل عليا كالصاعقة

Nutella_26046 🇪🇬

منذ سنة واحدة

شعور مستنزف

موضوع:

ازاي اتخطيتوا موت/ فراق حد عزيز عليكو

نمت صحيت ع خبر ان صحبتي عملت حادثة هي مكنتش قريبة مني اوي بس هي صحبتي من ابتدائي وغالية ع قلبي اوي اتحجزت ف المستشفى وقولنا ان شاء الله هتقوم منها فضلت شهر ف المستشفى ويوم الجمعه8 /26/ 2022قبل صلاة الجمعة كنت راجعه من امتحان كيميا لقيت رسالة انها اتوفت الخبر نزل عليا كالصاعقه حرفيا فضلت اكتر من ساعه مش مستوعبه كانت ملاك بريئ بتحب كل اللي حواليها ولسه صغيره كان عندها احلام وطموحات كتيره عايزه تحققها فضلت اكتر من شهرين اصلا مش متقبلة الموضوع بس تعايشت مع الالم حاليا ليها سنتين متوفية ربنا يرحمها ورجاء تدعولها كتير بالرحمه والمغفرة

موت بابا كسرني.. مش عارفه أتخطى الصدمه

موت بابا .. كتت دايماً بشوفه حد قوي ومر بحاجات كتير وخرج منها بفضل ربنا وإنه مبيعترضش وبيحمد ربنا علي كل حال دخل وخرج من عمليات كتير وحوادث ولا مره ف عمره بين إنه تعبان او محتاج لحد دايماً بيظهر إنه راضي ومبيشتكيش وقدر ربنا إنه جاله كانسر ف نخاع العظم حاجه نادره وصعبه بس بردو مكنش بيتكلم كتير ولا عمري حسيت بتعبه أو شيلنا همه .. المره دي مش قادره اتخطى علشان كنت فاكره هتبقي زي كل مره واستنيته فضلت جنبه وقولتله إنت قوي وهتقوم منها بس هو كان ف غيبوبه معرفش ليه كان عندي أمل كبير خلاني اتكسرت جامد من بعد دعاء وعياط كتير مش عارفه أتخيل إنه مشي وسابني غير كل مره ، الخبر دا نزل عليا كأن عقلي وقلبي ومشاعري كل حاجه فيا ماتت وقت ما سمعته مش فاكره غير إن لساني علق علي "بابا لا بابا لا " ومناخيري بتنزف دم كتير وناس كتير جت ، انا كنت لسه هروحله زي كل يوم المستشفي ملحقتش! مشي! من وقتها وانا مبقتش إنسانه طبيعيه ومحدش عارف يتعامل معايا وحياتي وقفت ، فضلاً ادعولي وادعوله بالرحمه:" ...عرض المزيد

8 الدعم

3 نصيحة

صاحبتي ماتت قدام عيني.. اليوم كان صعب أووي

النهارده كان يوم صعب جدا كان وفاه صاحبتي وزملتي ف حادثه صعبه بسبب القطر شوفتها قدام عيني من سعتها تعبانه جدا الى حصل صعب علينا كلنا وصعب ع والدتها بنتها الوحيده ماتت قدام عينها محدش فينا قدر يعمل حاجه الموت اخدها مننا ف ثانيه محدش فاهم امتى دا حصل واى الى حصل وم مستوعبين كانت لسه صغيره فاكره اول مره شوفتها وكلمتها كانت لطيفه وجميله كانت لسه صغيره واتسرقت مننا ف ثوان نفس المشهد من كام سنه بسبب كرونا اعز حد ع قلبى مات يومها انا فاكره الناس دى انا منستهمش م قادره اوصفلكم المشهد وهو بيدوس عليها وكأنها مبقتش موجوده قدامنا قلبي وجعنى عليكى يحبيبتي جامد كنت جميله والله وتساتهلى كل خير مكنتش متوقعه انك تفارقينا بسرعه كدا انا بقول ان لسه وقت طويل قدامى اكمله مع صحابي واخواتى واهلى بس الموقف دا اثبت ليا انها فعلا م مستاهله الشباب بتموت كل يوم كل ساعه بسمع عن حادثه جديده حد جديد بيروح وبتنتهى كل حاجه عنه ورحلته م بيتبقا ليه غير السيره الكويسه هتوحشيني اووى والله علاقتنا مكنتش جامده زى الباقين كنا زمايل بس بجد كنتى جميله والله كنت تستاهلى انك تشوفي خير ربنا يرحمك ويغفرلك ويثبتك عند السؤال ويصبرنا ويصبر اهلك الحياه م مستاهله عشان تعمل ذنوب صغيره وماتت وانا وانت م صغيرين ولا ف حد صغير ع الموت اطفال بتموت وشباب متكملش ف ذنبك واستغفر وتوب وارجع عشان والله م مستاهله افتكر قوله تعالى اقترب للناس حسابهم وهم في غفله معرضون فوق من الغفله قبل فوات الاوان ادعو لصاحبتى بالرحمه والمغفر وربنا يصبرنا ع فراقها ويثبتها عند السؤال يارب ...عرض المزيد

7 الدعم

5 نصيحة