صاحبتي كلها شكوى وسلبيه وبتغتاب الناس!

Question

صاحبتي كل الي بتتكلم فيه هو شكوى شكوى شكوى و سلبيه كتير بقا يعني لو قولتلها صباح الخير هتقولك خير ايه هو بقا في خير في الأيام دي و سلبيه ب شكل كبير بجد و بتغتاب في الناس كلهم رغم اني قولتلها اني عايزه ابطل غيبه و لما قولتلها اني هبطل غش عشان حرام اتضايقت جدا و بقت بتقف على الواحده في اي امتحان معايا يعني آخر أحداث حصلت كانت زعلت مني عشان مقفلتش ودني و هي بتغش الأجابه من زميله معانا
معلومه : احنا trio ف البنت التانيه الي معانا دي عسوله اوي الفكره بقا لو حد قالي ابعد عنها مش هقدر ليه؟ عشان هي ساكنه جنبي شويه و كمان معايا في الفصل و احنا عدد فصلنا قليل جدا ف مفيش مجال اني متكلمش معاها و امها صاحبه امي

Hazelnut_52786 🇪🇬 · Accepted Answer

بصي، مش لازم تقطعي علاقتك بيها تمامًا، بس خدي خطوة ورا وخلي تعاملاتك معاها سطحية ومحسوبة.
خلي كلامك معاها في حدود الدراسة أو السلام والرد عليه، وركزي طاقتك مع البنت التانية الطيوبة اللي بتريحك.
ولو ضغطت عليكي أو لمزت، ابتسمي وغيّري الموضوع، لأنك مش مطالبة تفضلي في علاقة تستهلكك كل يوم

Croissant_61046 🇪🇬 · Answer

حاولي تبينلها بطرق كتير انك مش حابه طريقتها ولو حستيها بترجع زي الاول في كل مره بتقوليلها حاولي تتجاهلي كلامها وادخلي ف موضوع تاني او اعملي نفسك مشغوله دايما عن انك تسمعيها يمكن تحس او تشوف واحده تاني تسمعلها

Jackfruit_53546 🇪🇬 · Answer

في كل مره بتقلب الطرابيزه و غير كدا هي من النوع الي مستحيللل وانا اعرفها أهو بقالي ٧ سنين مشوفتهاش غير مره واحده اعترفت انها غلط و كانت بالأقناع الشديد من أهلها و مش انا بس الي بشتكي من اسلوبها لا دا اسرتها شخصيا و كل مره بتيجي تكلمنا عليهم أن قد ايه هنا ظالمينها و ان المفروض كل الناس تبقا متعودة ان دا اسلوبها و دي طريقتها (اسلوبها حتى في الكلام دبش و دايما بتغلط الناس)

Croissant_61046 🇪🇬 · Answer

بتقولي انها صاحبتك هل انت بتحبيها وحاسه ان دا عيبها الوحيد وباقيه علي العشرة وكده وبتفضفضي بس ولا انتي حاسه ان دي واحده لا تطاق وعاوزة تبعدي اصلها هتفرق واكيد لو حابه تبعدي فيه مليون طريقه تحاولي بيها تبعدي عنها حتي لو بتجمعكم مكان واحد

Chocolate_59813 🇪🇬 · Answer

مش لازم نبعد عشان نتجنب الأشخاص تلاقى بتعمل حاجه مش حباها سيبها و امشى لما تسالك لى قوليلها مش حابه كذا و خلصت يعنى اى مش اعرف ابعد عن حاجه بتضايقنى

Jackfruit_53546 🇪🇬 · Answer

الفكره اني مش عارفه هي انسانه جدعه و محترمه و لو احتجتها في اي حاجه بتسد بس عيبوها كتير  اوي و احنا في فصلي ٣ بنات بس اصلا

Jackfruit_53546 🇪🇬 · Answer

هحاول اعمل كدا

Croissant_61046 🇪🇬 · Answer

بصي انا بقول اتكلمي معاها وفضفضي وقوليلها كل اللي حساه ولو حاولت تقاطعك قوليلها استني اسمعيني وانا باقيه عليكي لانك صاحبه وعشره عمري وشوفي رد فعلها ايه لو استهونت حاولي تختصريها وبكده تكوني عملتي اللي عليكي ❤

Biscuit_60406 🇪🇬 · Answer

خليكي على علاقة كويسة بيها لما تحسي انها بدأت (تصيح) وتقعد تشتكي كتير اعرضي عليها حل ولو منفعش وتعرفي حد يقدر يساعد دليها عليه اكتر من كدا قوليلها انا معنديش كلام تاني اقوله وبس هتبدأ تلاحظ انك بدأتي تتضايقي وهتقلل من دا لو هي باقية عليكي