جماعة محتاجة رأيكم عندي واحده صاحبتي اعرفها من حوالي سنه واحنا حالين اخدين سكن مع بعض وف نفس الاوضه بس بجد تصرفاتها مش طبيعيه بحسها مش انسانه سويه بربع جنيه دايما بتحاول تقلل مني قدام اي حد انا الحمدلله حد بيهتم بمذاكرته و بفضل ربنا جبت تقديرات جميله الترم ده ودايما دراجاتي حلوة بس هي اقل مني ف المستوي و دايما بتحاول تثبت انها بتذاكر احسن واشطر لدرجه انها حتي لو محلتش كويس بتطلع تقولنا قفلت الامتحان وطبعا النتيجه لما ظهرت واضح جدا انها بتكدب وبتفضل تقول ظلموني والكلام ده وف كل فرصه تحاول تثبت اني بجيب الدرجات دي ضربة حظ واني بطلع من الامتحان احيانا مضايقه ازاي بجيب درجات حلوة وانا لو حليت نقطه واحدة غلط من 50 نقطه ممكن افضل طول اليوم مضايقه فعلا ف هي فاكره اني كده محليتش مثلا وهما بيدوني امتياز شفقه مثلا وكمان بتحاول تخلي صورتي مش احسن حاجة قدام صحابنا ف السكن معرفش هتفهموني ولا لا بس البنات هيفهموا الحركات دي ممكن تحاول تطلعني غلط او بكدب مثلا وتدقق ف حاجات غريبه معايا ومتعرفش يعني اي نقاش عايزة تثبت انها صح وخلاص ف انا ف الحقيقه بكبر دماغي وانهي النقاش بس مع تكرار المواقف الموضوع مزعج جدا وخصوصا اني هسكن معاها باقي سنين الجامعه ف انصحوني اعمل اي او اتصرف معاها ازاي ؟

8

0