عندي واحدة صاحبتي سوشيال قريب هنكمل سنتين..على مدار السنتين دول حقيقي كنت بعتبرها من اعز و اقرب الناس ليا و انا كنت بالنسبة لي صاحبة سوشيال عادي زي اي واحدة و بتعاملني كويس جدا و باهتمام بس زي ما بتعامل اي واحدة صاحبتها..كتير ما كانت بتعلقني بالايام و الاسابيع و ترجع تكلمني و تديني مبرر مختلف و انا مكنش بيفرق معايا ولا بعاتبها و ولا بسألها اصلا و كان كل اللي بيهمني اني اطمن عليها..من احد المبررات انها تقولي انها كانت قافلة الاب اللي احنا بنتكلم عليه و اللي انا حقيقي مكنتش بستوعب ليه مش بتفتح ترد عليا حتى او تكلمني على اي اب تاني لما هي قافلة (احنا عند بعض حرفيا على كل الابليكيشنز و كل فترة بتبقى اكتيف على واحد)..المهم انها بقالها دلوقتي فوق الشهر مش بترد عليا و عملت سين على معظم المسدجات اللي منها مسدجات لعيد ميلادها و مسدجات بسأل عليها و عايزة اطمن عليها..جربت ابعتلها سناب عشان اخدت كام يوم بتفتح الستريكس لقيتها بتفتح سناب و بطلت تفتح الستريكس بتاعتي..دلوقتي انا مش عارفة اعمل ايه حاسة اني عايزة اتخانق معاها بس حاسة انه ملوش داعي و خايفة تبقى زعلانة مني بس انا سألتها ان كانت زعلانة مني و مردتش برضو قولولي اعمل ايه و اسفة طولت بس الحوار كاتمني🤚🏻

1

0