من شهر بالظبط ماما رجلها أتكسرت وحقيقي إلا هو الدنيا كانت صعبة جدا ومحسيتش أنا وأخواتي معني إن الدنيا تقف غير ف الشهر دا وإلا مر بضغط رهيب وعياط كل ما حد فينا يتزنق ف حاجه ف البيت والحقيقه إني أنا و أخواتي البنات مسؤلين جدا يعني وكبار كفاية إننا نعمل كل حاجه ومفيش حاجه أتغيرت إحنا كنا بنعمل دا عادي وماما كويسة وبل اكتر كمان بس بجد الشهر دا كنا تايهين ومش عارفين نتحرك الجميل ف الموضوع بجد بابا حبيبي كان بيحاول بكل ما فيه إنه يساعد ويهتم والحقيقة إني ممتنه وبحمد ربنا علي وجوده جنبا ك صاحب قبل أب معندهوش مانع يساعد ف أي حاجه حرفيا رغم شغله بردوا ودا الا بيخليني أدعي ديما إن أتجوز واحد ف حنية بابا أو اي شئ شبه لما كنت بقلق بليل ألاقيه قاعد مع ماما وهو بينام علي نفسه عشان بس كان عندها أرق وقلة نوم من العلاج والحقيقه مكنتش بستغرب ماما بتصحي بابا ليه وإحنا لأ ورغم أنه بيصحي يشوف شغله وماما بتنام إلا أنه مش بيشتكي أبدا عشان كدا ماما عندها زعل الكل ف كفه وبابا ف كفه لوحده أتمني ربنا يحفظهم ديما ويبارك ليا ف وجودهم ويبعد عنهم كل سوء يارب " ويارب أكون زي ماما ف يوم وأتجوز حد جميل زي بابا آمين " 🫂🦆

9

1