شهادة وبعد كده مرتب زفت ومواصلات تاكل المرتب

Question

هو الواحد ايه اللي خلاه يتعلم وياخد شهادة
واروح انترفيو فمصنع ويتقلي هتاخد 2700والمواصلات كمان عليا
الواحد بقاله فترة كمان قاعد فالببت بدور يوم مالاقي حاجه الاقيها بالمرتب ده
يعني انا هضطر اصرف نص المرتب مواصلات يعني هتبقالي بالكتبر 1500ب طب دول يعملوا ابيه من جوايا عاوز ارفض بس مش هتسحمل كلام اهلي انه يتقلي  طبعا انت مش بتاع شغل وحابب تبقي عالة وحابب القعدة

Watermelon_67591 🇪🇬 · Accepted Answer

اتعلم المهارات اللي السوق محتاجها انا متعلم برمجة و جرافيك ديزاين وعندي 18 سنه  و بقبض مرتب مدير البنك عمره ما يجيب نصه بشتغل مع اجانب و كل ده انا قاعد في البيت شوف مهارة انت بتحبها او اتعلم لغة جديده و اقل مرتب ليها 20الف في الشهر دي في اقل شركة

Coffee_65980 🇪🇬 · Answer

اقولك الأصعب كمان إنت ممكن تصرف ال ١٥٠٠ جنيه دول فى البحث عن شغل تانى ، أصبر واللى بيصبر بينول ده وعد ربنا ووعد ربنا حق وأرضا بالقليل يأتيك الكثير

Sugar_67691 🇪🇬 · Answer

اشغلك شهرين وخدلك كورس تسوق رقمى هى مش بالسهولة المتوقعة بس مسيرك توصل يلا باى

Strawberry_67463 🇪🇬 · Answer

اتعلمت برمجة من اليوتيوب؟

Watermelon_67591 🇪🇬 · Answer

ايوة اسمع اسامه الزيرو و هتفهم كل حاجة

Orange_64916 🇪🇬 · Answer

بص انزل الشغل الشغل مش فلوس بس في خبرة و معارف ممكن تنقلك لمكان احسن انما القعدة في البيت تضييع وقت و فلوس