تالته اعدادي ومش عارف اخد قرار عن مستقبلي

Question

جماعه انا شلت انجليزي السنه دي وانا تالته اعدادي ف اعمل ايه
 1- امتحن انجليزي و ادخل اي مدرسه غالبا مش هيبقلها مستقبل
 2-مرحش الامتحان و اعيد السنه بس احاول اجيب دراجات اعليَ تدخلني اي حاجه ليها مستقبل غير ثانوي
 3-اشوف المحافظات التانيه تنسيقاتهم كام و ادخل اي مدرسه هناك

Guava_58025 🇺🇸 · Accepted Answer

خد/ي قرار اهلك لأن ده قرار مهم عمتًا في حياتك في لازم يكون في حد كبير وشايف الأحسن ليك ودي حاجه متتخباش يعني
ورأيي مرجحش فكره التأجيل وتضيع سنه الاحسن لو في مدارس تنسيقها قليل وتقدر تحول منازل و تروح الامتحانات بس  يبقا احسن

Pistachio_56152 🇪🇬 · Answer

انت كده متاكد انك هتعرف تمشي في ثانوي عام؟

Popcorn_35182 🇪🇬 · Answer

شوف قدراتك يا صاحبي ايه 
مينفعش اكون مبعرفش اعوم و انزل المحيط 
ربنا جعل كل واحد قدراته غير التاني 
اسأل نفسك أنا هقدر اكمل ف ثانوي 
طب ايه نقط الضعف اللي عندي اللي المفروض اشتغل عليها 
محتاج مدرس و اتنين و اخد دروس ف الاجازه ف الماده دي و الا الوضع دا ف كل المواد 
و متمشيش ورا كلام حد يوجهك ف طريق اكبر من قدراتك لأن هتبقي بتظلم نفسك

Potato_58453 🇪🇬 · Answer

يعم لا خشه دور تاني احسن ولو ع الثانوي خشه منازل وهتريح مخك مش هتروح الا علي الامتحان ومش بيفرق عن العادي الا في التابلت بس وفي ٣ ث الاتنين نفس التنسيق والامتحانات عادي

Potato_58453 🇪🇬 · Answer

ملهاش علاقه هو لو شد هيتفوق

Onion_60955 🇪🇬 · Answer

مش لازم تخش/ي ثانوي بس ممكن تتعلم/ي مهارة السوق محتجها حاليا 
تحليل بيانات
برمجة 
جرافيك ديزينينج
بس برضو لازم تتطور/ي من نفسك في الإنجليزي لأنه مفتاح كل حاجة في العالم الجشع دا

Strawberry_59553 🇪🇬 · Answer

انا مش عايزة ادخل ثانوي اصلا بس اهلي عايزين يدخلوني ثانوي منازل انا نفسي ادخل كذا مدرسه بس كلهم دراجاتهم عاليه اكيد وممكن اكتر من ثانوي اصلا

Strawberry_59553 🇪🇬 · Answer

انا فعلا مش هقدر علي ثانوي خالص بذات تالته بس اهلي عايزين يدخلوني ثانوي منازل بيقولو انها بتبقي سايبه ف الامتحانات و بيطلعو الموبايلات و يغشو بس تالته بقي هعمل ايه وبجد انا مش قادره اقرر هل انا هبقي قد المسؤليه و اعيد السنه و اخد دروس و اجيب دراجات كويسه تدخلني المدارس الي انا عايزياها ولا هعمل زي السنه دي و اهلي مش موافقين اني اعيد

Strawberry_59553 🇪🇬 · Answer

علي فكره عيلتي كلهم عارفين بس انا مقترحتش فكره امي اعيد غير علي ماما بس موافقتش قالتلي حرام تضيعي سنه من دراستك وانا صاحبه الشأن معنديش مشكله اصلا ومش عارفه اعمل ايه فعلا و التنسيق لسه منزلش و اكيد هيبقي عالي عشان نسبه النجاح ف محافظتي عاليه

Strawberry_59553 🇪🇬 · Answer

ده الي اهلي بيقولوه بس انا مش قد ثانوي خالص

Strawberry_59553 🇪🇬 · Answer

احنا حالتنا المده مش كويسه خالص يعني يادوب بنعيش ف مثلا مش هقدر اتعلم سواقه ومنين اجيب عربيه او مكنه و منين اتعلم اي مهاره تانيه و لازم ادخل اي مدرسه و ده حمل كبير اوي علي عيلتي بجد وانا عايزه اتعلم مثلا حاجه ليها علاقه ب اداره الاعمال عشان لو جاتلي فرصه اعمل مشروع اقدر اعمله الموضوع فعلا صعب لو تقدري تفيديني اكتر هبقي مشكوره جدا

Potato_58453 🇪🇬 · Answer

بصي انا هقولك حاجه حاليا مبقاش معترف بالشهادات الاكاديميه اوي تمام فممكن تخشيه و عشان بس تكوني في كليه مش اكتر يوم ما تحتاجي الشهاده يبقي معاكي حاولي في ال٣ سنين دول مثلا تتعلمي لغه او تتجهي للدرجه هتفيدك جدا بس أفضل شي يكون بجانب الدراسه

Potato_58453 🇪🇬 · Answer

في ثانوي منازل هو نفس كل شيء بس مبتروحيش مدرسه ومبتاخديش تابلت وفي حجات غير الثانوي

Popcorn_35182 🇪🇬 · Answer

مش نهايه الكون الثانويه وربنا يوفقك ف حياتك