شفت جارتي في موقف مش كويس ومش عارفه ارد

Avocado_41653 🇪🇬

منذ 9 أشهر

شعور منزعج

ساكنه في آخر دور طلعت بالليل بالموبيل اعدل طبق الدش لقيت جارتي اللي جوزها مسافر مع شخص بس معرفش هو مين مع بعض في وضع مش كويس اول مانورت بالفون هو جري وهي اتكسفت وفضلت تبرر موقفها ان جوزها مسافر وسايبها انا بقيت مش عارفه ارد لان هي قدامي محترمه جدا قلت لها ربنا يهديكي ونزلت بعد ماقالتلي ابوس ايديك اوعي تفضحيني قلت لها ربنا يكفينا شر الفضائح انا اعرف انها محترمه وجوزها طيب جدا ومحترم وهما معايه من سنين حتي جوزي مرضتش اقوله حاجه بس انا خايفه منها تتبلي عليه في اي حاجه انا طبعا مش هقول لاي مخلوق بس خايفه وعاوزه اقول لجوزي اللي شفته اقول ولا اسكت

بابا ضربني بسبب شتيمة صاحبه.. مين الغلطان؟

الموقف لسه حاصل دلوقتي اخويا الصغير كان رابط التليفون بتاع بابا بشاشة التليفزيون و شغل عليه فيديو الفيديو ده اشتغل على التليفزيون المهم اخويا مشي راح يلعب و بابا اخد التليفون و طلع من الفيديو بس لسه التليفون مربوط بالشاشة و قام داخل على الواتس و كلنا شايفين المحادثه واحد صاحبه بيقوله صباح الكذا لفظ وحش و مامتي شايفة المحادثه و قامت قايلة لبابا مينفعش انك تعرض حاجة زي دي ولا عيالك يشوفوا حاجة زي دي عيب و كده يعني زي اي ردة فعل ام تشوف كده ابويا بقى مش مقتنع انه غلطان ان واحد صاحبه يقوله كده و بيقول احنا كلنا في الشغل بنتعامل كده بالشتايم و كده يعني و انا و اخواتي فضلنا نضحك عادي يعني على اللفظ لأن احنا مش متعودين على كده فمستغربين الموقف و انا اكبر واحد في اخواتي و قام جاب خرطوم و ضربني بيه و عمل مشكلة مع امي و حالف بالله انه مش هيكلمنا تاني ولا احنا نكلمه ، هو كده مين اللي غلطان و اتمنى حد يشوفلي حل للمشكلة دي ...عرض المزيد

6 الدعم

7 نصيحة

تعبت من زعيق البيت وضغوطه.. قلبي موجوع!

ازاي الواحد ميتاثرش ب مشاكل البيت ونصايح البيت ولوم البيت وعتاب البيت وزعيق البيت وشتايم البيت تعبت والله العظيم يا جماعه حسه سبب موتي هيكون زعلي ربنا وحده اليعلم قد اي قلبي موجوع مضغوطه لوحدي والبيت بدل ما يهون عليا بيضغطنى اكتر ياارب ...عرض المزيد

4 الدعم

1 نصيحة

بابا مش سوي وعايزة أخطب.. محتارة أعمل إيه؟

السلام عليكم انا طالبه جامعيه و مغتربه و في واحد كلمني و قال إنه عايز يجي يتقدم ليا و هو شخص كويس جداو انا عايزة اديله فرصة و هو من عيله كبيرة اوي في المحافظة بتاعتهم و عائلته محترمة جدا. المشكلة أن ابويا شخص غير سوي نفسياً و دائماً مكشر و صوته عالي و بيزعق دائما و غير متفاهم خالص ، انا من و انا صغيرة بحاول معاه بس مفيش اي فائدة في التعامل معاه خالص و انا محرجة اني اخليه يتكلم معاه لانه مش هيتفاهم معاه خالص و هيعامله وحش و هيكسفة قدام أهله و أهله ناس محترمة جدا و انا مش هقدر اكسفهم بطريقة بابايا ، انا فكرت أن ممكن حد من رجاله عيله امي هي الي تكلمة و تقعد معاه بس عائلته هيقولوا ابوها مش عايز يشوفنا و اكيد فيهم حاجة غلط و هو رافضنا و هيمشوا و مش عارفة اعمل ايه و فكره ان بابا يقابله و يتكلم معاه دي مستحيله منغير ما يحصل مشكلة و هو يمشي و انا بصراحة مش عايزة يكون منظري وحش قدامة أن ابويا شخصيته كدا و تعامله كدا انصحوني اعمل ايه علشان انا محتارة جدا (هو هيجي في إجازة الصيف ) ...عرض المزيد

9 الدعم

1 نصيحة