من أول ما دخلت العشرينات تقريباً وأنا بيمتلكني شعور إني عاوزة أتجوز وأعِف نفسي ويبقى عندي زوج وطفل ونكوّن أسرة . عندي طاقة حب وحنية نفسي أطلعها،بسبب إن بيئتي خالية تماماً من المشاعر بالذات جوا البيت يعني لو أنا أصلاً حاولت أحضنهم أديلهم حب هيبقى بالنسبة ليهم فعل غريب ومش مريح وكذلك أنا لو هما عملوا كدة معايا ، فاهمني ؟؟ بس حقيقي محتاجة جداً جداً للمشاعر دي ومسيطرة عليا ،مبقتش عارفة أفكر في حاجة غيرها ،بشغل نفسي وبعمل كذا حاجة بس سواء عندي فراغ أو معنديش باجي آخر اليوم يمتلكني شعور ان نفسي حد يحضني أو أحضن حد واديله كل الحب اللي محتاجه . أعمل ايه أفرغ بيه الطاقة دي ؟! (مع العِلم عمر ماحد دخل حياتي أو اتقدم ليا حد بشكل رسمي ،ومفيش تعامل بيني وبين الجنس الآخر خالص ومش هيبقى فيه بدون شكل شرعي يعني )

6

0