ليه دايما بحس بالذنب وانا مش غلطانة؟

Tomato_76090 🇪🇬

منذ شهر واحد

شعور ضاق ذرعًا

أنا ليه دايمًا عندي شعور بالذنب، الإحساس ده ملازمني في كل موقف تقريبًا. مهما حاولت أعمل حاجات ترضي اللي حواليَّ وأخليهم مبسوطين، في الآخر بلاقي نفسي متشافة وحشة أو إن اللي عملته اتقلب ضدي. وده بيخليني أسأل نفسي: هو أنا فعلاً غلطانة؟ ولا أنا مظلومة؟ كمان حاسة إني معنديش شخصية قوية بسبب حبي للناس. يعني لو حد أنا بحبه قال لي "اعملي كذا"، حتى لو مش عايزة أعمله، بعمله عشان بس ما يزعلش. لو قال يمين بروح يمين، لو قال شمال بروح شمال، من غير ما أفكر في نفسي ولا في اللي أنا محتاجاه. أنا مش بعرف أقول كلمة "لا". على طول بفكر في إحساس اللي قدامي، بخاف أجرحه أو أضيقه، وبنسى نفسي تمامًا. ساعات حتى لما بيكون هو الغلطان أو هو اللي مأذيني، أول ما أشوفه زعلان أو بيعيط بحس إني السبب! وببدأ ألوم نفسي وأعيط أنا كمان، مع إن مليش ذنب أصلاً الموضوع ده تعبني جدًا، لأني حتى في اللحظات اللي بقول فيها خلاص أنا هختار نفسي وهعمل اللي يريحني، ألاقي نفسي راجعة تاني حاسة بالذنب من رد فعل اللي حوالي. يعني مفيش مرة بكون فيها مرتاحة من غير ما أرجع ألوم نفسي تاني😅😅

ليه بحس إني شخص وحش وأناني وصعب الفهم؟

اوقات بحس اني شخص وحش واناني وصعب الفهم والتعامل لمجرد اني نش بعرف اتمسك بحد دايما كمان بحط نفسي في دايرة الجاني عشان لو الغدر جه من الطرف التاني احس لأ انا اللي غلطانة من الاول بدل ما احس بتأنيب ضمير مثلاً معرفش ليه هحس بكده وانا اللي متسابة بس مثلاً عشان مقدرتش اخلي الشخص ده في حياتي اكتر! ...عرض المزيد

0 الدعم

1 نصيحة

بحب ولد ف المدرسه ومش عارفة أتصرف

انا بحب ولد هو معايا ف المدرسه بس اكبر مني ب حوالي 3 سنين عامة عارفه اني صغيرة بس انا واعيه كفايه ب كل الي بعمله و اظن ان محدش بإيده يحب حد المهم الولد ده كان مرتبط ب اكتر من بنت و سابهم و أما صاحبتي قالته اني بكراش عليه كان آخر يوم ف الترم و اول يوم ف الترم التاني جه كلم صحبتي و قالها انو عايز يرتبط بيا و كده وانا قولت لا مش هرتبط اه انا بحبه بس مش عايزة اعمل حاجه غلط و عارفه أن ده مش الوقت المناسب اصلا و مش عايزة أخسر ثقه اهلي ولا ربنا ف طول الترم الولد كان بيحاول يوقفني عشان اتكلم معاه و كنت بمشي و اسيبو و ف مره حصل مشكله معاه و مع ولاد تانيين و الولاد دي راحت قالت الاخصائيه انو مرتبط بيا و ف الوقت ده انا كنت عند التويلت أنا و صحبتي و اول ما خرجت لاقيت الولاد دي واقفه معاه و بيشاوروا عليا ف أنا قلقت و مفهمتش ف وانا طالعه الفصل لاقيت ولد من الولاد خرج من فصل الاخصائيه و قالي خشي كلمي المس دخلت و مس طبعا نزلت فيا هتزيق و أن أنا ازاي ارتبط بيه و أنو اصلا مش كويس و أنا حرفيا كنت بعيط و بحلف اني مش مرتبطه بيه قالتلي انو أنا كدابه و أن الولاد دول شافوني معاه برا المدرسه رغم أن والله العظيم عمري ما خرجت معاه و لا ارتبط بيه و المس مصدقتنيش ف كلمت بابا جه المدرسه المهم المشكله اتحلت و بابا هزق الولاد دول و المس و قالها اني مش كدابه و الموضوع خلص ف لما خرجت عرفت انو كان بيدافع عني و يقول إنو لا هو يعرفني اصلا ولا شافني قبل كده بعديها ب يوم بالظبط حصل نفس المشكله مع صحبتي عشان هو كان عايز يسألها ع الاك بتاعي ف المهم المس بردو زعقتلها ف أنا مسكت فون صحبتي و بعتله ماسج أقوله فيها ملهوش دعوه بينا تاني و انو جاب المشاكل لينا و كده و بصراحه هزقته ف الماسج المهم هو رد و قال تمام و اسف لو عملتلكوا مشاكل بعد عننا ف الفترة دي و كان كل ما يشوفني ف مكان يخرج من المكان ده و اكتشفت بعديها انو ارتبط ب بنت أنا معملتش اي ريأكشن بس البنت دي كانت بتبصلي بقرف و تخش تكلمني و تقعد تشتم فيه و تقولي ده عيل معفن و شايف نفسو روميو و هو اصلا معرفش اي و كلام كتير و انا اوقات كنت برد عليها و اقولها مش بحب اتكلم عن حد و اوقات مكنتش برد اصلا مرت فترة و الولد بدأ يقرب تاني و يحاول يتكلم معايا لغايت ما صحابي قالولي شوفيه عايز اي و خلاص و بصراحه كنت عايزة اعرف هو عايز اي يعني مهو ارتبط عايز اي تاني المهم نزلت و اول ما شفت وشه دخلت التويلت و مرضتش اقف معاه صحبتي كانت معايا و كده و فجأة لاقيت البنت الي هو مرتبط بيها و اتنين صحابها جايين و وقفت هي جمبو و بعدين هما الاتنين بعدوا شويه و لاقيته بعد خمس دقائق راجع و ف أيده اسوره مقطوعه و حطها ف ايد صحبت البنت دي و طبعا هو مشي و البنت طلعت تجري وراه بالمعني الحرفي و صحابها دخلوا الحمام يضحكوا أيوة انا مليش علاقه ب البنت دي بس صعبت عليا والله المهم خلصت المدرسه و جت الإجازة و لقيته بعتلي انستا و بدأ يتكلم وانا بصراحه اتكلمت و مر فترة كان كل شويه يختفي و يرجع تاني و انا عامة ف الفترة دي كنت حاسه بتأنيب ضمير مكنتش عايزة اعمل حاجه غلط و انا واعيه أن الي كنت بعملو غلط و حرام ف بعتلو و قلتلو كل حاجة واني مش عايزة اعمل حاجه غلط و حرام او اخسر ثقه اهلي هو الأول هب فيا و قعد يقولي أنا غلطان اني كلمت عيله صغيرة بس بعدين لاقيته بيعتذر و قالي أنا آسف و حقك عليا و انتي صح و فعلا مبقناش بنتكلم هو الي ممكن يعمل لاف ع النوت أو الإستوري و يقعد يلمح ف النوت و انا بدعي دائما ف صلاتي انو يكون من نصيبي لما يكون الوقت مناسب بس انا خايفه يكون كل ده بالنسباله لعب عيال و تسليه وقت + انا قريبه من ربنا و مستواي الدراسي بيرفكت جدا و بركز دائما ف دراستي ...عرض المزيد

1 الدعم

3 نصيحة