حاليا انا تالته جامعة وديما حاسه اني لوحدي في سنة اولي كان معايا واحدة قريبة مني بس حصل موقف وكل واحدة اخدت جمب وهي مش شبهي اخلاقيا .اتعرفت علي غيرها بس مكانوش كويسين برضو ومرتاحتش معاهم وبعدت ، انا معارفي كتير في الجامعة يعني ادخل المدرج ازيك سلامات بس كده .. لكن طول المحاضرة لوحدي ربنا عوضني بشلة صحاب حلوة بس هي صادفت واحدة كنت متعرفه عليها من جروب الدفعة كانت منزله صور صحابها رديت علي الاستوري وقولتلها ما تاخدوني معاكم وفعلا قربت منها وفرحانه خالص وكده ولكن هي اقرب واحدة ولكن الباقي اخدينها مني والتانيين معرفه بس كده من بعيد بتحصل مواقف انهم بيخرجوا من المحاضرة لما صاحبتي تكون غايبه هما مش مهتمين يعني بيسلموا عليا بس كده .. كنا خلصنا محاضرات زخارجين وماشيين سوا انا بحب اصور صور عشوائية ف صورت وببص عليهم لقتهم ماشيين وخارجين من الجامعة وانا مش في الحسبان ،، المشكلة انا طول الوقت حاسه اني لوحدي في الجامعة حواليا ناس بس برضو لوحدي معارف كتير بس برضو لوحدي ، مافيش حد نجيب اكل سوا ونتمشي لما يكون في فرق محاضرات مش لاقيه حد كده خالص ،، بدأت احس ان العيب فيا بس انا فعلا بقيت متضايقه وبرجع اعيط انا عارفه انها كده كده مؤقته وكل واحد هيروح في وادي بس فعلا متضايقه جامد وحاسه بالوحدة طول الوقت والمشكلة ده بيأثر علي تركيزي .. ناس كتير تقعد تقولي انتي جميله وتمدح فيا وتقولي انا حاسه اني عارفاك وشويه وتطلب رقمي وبعد كده معرفش عنها حاجة كله بتاع كلام وخلاص وانا تعبت بجد ، اللي هو انا لسه هدور علي صحاب تانية ؟ تالته جامعة يا جماعة خلاص وبنات اللي من نفس مدينتي مش بحبهم مش بلاقي نفسي وسطهم لان هي هي كل الحكاية عايزني كمالة عدد عشان العربيه تحمل وادفع اجره كنت بمشي لوحدي واحدة قالتلي امشي معانا متبقيش لوحدك كده المشكلة بحس بالوحدة وسطهم ولما نركب عربيه وكل واحدة معاها توينز وانا الوحيدة اللي هو بحس بشعور وحش عشان كده بختار ابقي لوحدي .. انا مش عارفه بس انا مش عايزة اتعامل مع حد تاني عايزة اقطع علاقتي بكل اللي حواليا

3

12