بقيت شخصيه قاسيه بعد وفاة بابا وتحمل المسئوليه

Question

انا زمان كنت شخصيه ضعيفه وكتومه جدا وكلمه ضعيفه قليله كنت خوافه وشايفه نفسي قليله ووحشه وومتحبش وكنت حقيقي شخصيه مش بتحب نفسها 
بعد وفاه بابا والحمل اللي شلته من شغل وتعليم اخواتي وجوازهم 
بقيت شخصيه طول الوقت عصبيه صوتي عالي شديده وقاسيه جدا على كل الناس اللي حواليا معنديش اي مشاعر لاي حد وجافه مبتاثرش بحزن حد ولا وفاه حد بالعكس بشوفها حاجه طبيعيه وماليش عزيز ولا غالي ولا باجي على نفسي ابدا وده مخلي الكل مستغربني وبيخافو مني بس انا مكنتش كده

Mango_28202 🇪🇬 · Answer

انتي بقيتي قاسيه علي نفسك اكتر ماانتي قاسيه علي الناس صدقيني الحياه اهدا من كدا بكتير متضيعيش عمرك في الضغط ده ممكن يجي عليكي وقت وشخصيتك تتغير للاحسن ساعتها هتندمي علي الوقت الي ضيعتيه في الزعل والهم ده كله ممكن تكوني كده مثلا عشان انتي مكنتيش عايزه تتحملي المسؤليه دي بس والله انتي احسن مليون مليون مره من غيرك ياسكر

Carrot_28547 🇪🇬 · Answer

لما بندخل في مرحلة ضغط زيادة علينا وحزن كبير العقل بياخد ميكانزم دفاعي الي هوا يبطل يتاثر باي حاجة او يحس بحاجة عشان يحافظ علي نفسة لازم تجبري نفسك علي انك تعملي حجات فيها حنية منك علي غيرك تجبري نفسك انك تتعاملي بلطف في الاكلام في المشاعر اتجاة اي شخص حواليكي مع الوقت هتلاقي حجات كتير جواكي اتغيرت