أنا عارفة إن الحياة مبتمشيش علي نفس الريتم بس واحشني شخصيتي قبل ما أدخل الكلية أو قبل ٣ ثانوي تحديدآ 😔و كمان أكتر حاجة مفتقداها إني كنت شخصية حادة و بقفل الباب علطول مع اللي يعمل معايا تصرف مش كويس او اللي يضايقني مادام شخص غريب يعني مش من دايرتي بس و اللي يسأل عن حاجة متخصوش كنت بقوله و أنت مالك عادي جدآ بدون أي تأنيب و اللي يصيحلي حتي في الدراسة كنت بصيحله أو بخليه يسكت أو مبسمعوش و أقوله مش عايزة أسمع و طبعآ الجانب الديني كان جميل جدآ و قلبي سليم بس من وقت ما دخلت الكلية و أتعرفت أكتر علي نفسي و علي اللي حواليا بدأت أدي نفسي و الناس فرص و بدأت أتكه علي الصبر شوية يعني مثلآ كنت زمان ممكن أسيب حد من أهلي و هو بيتكلم عشان ضايقني و أدخل أوضتي دلوقتي بقيت بحاول أصبر و أسمع بس بجد موضوع الفرص ده ضاغطني هي دي الحياة صح ؟! 🥲 و كمان متعب و ساعات بيدخلك ف حوارات مع ناس غريبة كان ممكن تنتهي من أول لحظة بس لو اشتغلت ذي زمان بجد هبقي قفل ذي ما بيقولوا و اه كمان مبعرفش خالص أحور أو أدخل للموضوع من جوانب أخري ذي بعض الناس أعملها ازاي ؟! و أخيرآ حاسة إني بقيت متعلقة جدآ بزينة الدنيا يعني ممكن أضيع وقت كبير ف الملهيات و متاع الدنيا عمومآ و بقي الموضوع واخد جزء كبير من نفسي و فعلآ أنا مش شخص بيتعلق بالأشياء بس بلاحظ كل ما بكبر إني عايزة و عايزة و عايزة بلا توقف ؟! فعندكم اقتراحات للموازنة ؟ و لتطوير الشخصية ؟ و تحقيق الأهداف المستعصية 😂

0

12