كان عندي دايمًا فتور في العبادة كل ما أقرب بنتكس تاني رغم إني بحب ربنا ونفسي أقرب منه.. بس الكلام ده الي بيخليني أكمل: الإمام الشافعي كان بيقول: "سيروا إلى الله عرجى ومكاسير، ولا تنتظروا الصحة، فإن انتظار الصحة بطالة." عارف يعني إيه؟ يعني وإنت ماشي.. عبادتك مليانة مطبّات، من عدم وجود روح في العبادة، أو في تقطيع أو زهق من العبادة، أو تقل على النفس.. فخليك ماسك في أستار الاستمرار حتى تنال الرحمة! اقع.. وكمل. وإنت عارف إنك أضعف من إنك تكمل ربنا جل وعلا بيقول: "والذين جاهدوا فينا لنهدينهم سبلنا" فـ "كمل طريقك إلى الله حتى لو بتزحف" مقصر في الصلاة؟ صلي حتى لو مقصر بس متقطعهاش. حجابك مش كامل؟ خليكي عليه وحاولي تحسني من نفسك مش تقلعيه خالص بتقرا قرآن بشكل متقطع؟ أفضل أقرأ لكن ما تـهجرهوش خالص وهكذا في كل العبادات فإياك تسيب العبادة مهما كانت واعرف إن ربنا مش هيسيبك أبدًا وهيعينك لو رأى منك صدق الإقبال عليه والإصرار على الطاعة ويفكرك دايمًا بقول الله: "ومن تقرّب إليّ شبرًا تقرّبت منه ذراعًا، ومن تقرّب مني ذراعًا تقرّبت منه باعًا، ومن أتاني يمشي أتيته هرولة."♥️

7

1