سنه ونص ومش عارف انسى ولا اكره.. الجرح لسه معلم

Question

عدى سنه و نص مده كافيه تخليك تنسى حتى الهيئه بس لى انا لحد دلوقتى لما بقعد لوحدى ببقى زعلان على فراق الشخص ده مع انه ساب بابشع الطرق  و فى نفس الوقت مش عارف تنساه ولا حتى تكرهه و ببقى سعات عايز اسأل بس ببقى خايف من السخص خوف حرفيا مع ان الواحد بيهزر و بيضحك و لما بينزل مع صحابه بيقلب القاعده مسخره لاكن مسافه مالواحد يقفل باب اوضته عليه بيخش عالم تانى و بيكتشف ان الجرح لسه معلم.
حد عنده فكره ده اى ولا حله اى علشان الواحد بجد تعب و حاسس ان الموضوع طول اوى و فى حاجه مش طبيعيه

Strawberry_25620 🇪🇬 · Accepted Answer

باختصار خد حقك في الزعل من غير ما تخليه يأثر عليك وعلى حياتك الشخصيه وعلاقتك باللي حواليك .. لانك انسان لازم هتزعل وتفرح وجواك مشاعر كتير بتخرج عادي فخرجها بس من غير ما تضر نفسيتك بحاجه 
اخر حاجه اوعا تعوض العلاقه بعلاقه تانيه عشان متظلمش الطرف التاني معاك زي ما انت ممكن تكون اتظلمت

Potato_53500 🇪🇬 · Answer

نفس المشكلة للأسف بس ده غالبا عشان مدخلناش علاقه تانية والله اعلم حد قالي لازم تخشي علاقه تانية عشان الشخص ده يتمسح أنا بقالي سنه بردو ومعرفش عنه حاجة أصلا ومكنش ارتباط أصلا كان تعارف بس🙂

Pear_28305 🇲🇦 · Answer

أنا جرب دا لسنتين نفس الاحساس لحد مدخلت في علاقة تانية ونسيت أمر الاولى تماما (سابتني التانية هههه الان اتعقدت نفس الشعور اتعاد) نصيحتي ليك تحاولي تكتري من الاصدقاء هذا هو الحل لنفع معايا لقيت ان لعندي مجرد فراغ

Strawberry_25620 🇪🇬 · Answer

غلط طبعا .. لو دخلتي علاقه تانيه هتظلمي الطرف التاني لان حتى لو مش قاصده هتبقي بتعوضي مكان الشخص الاولاني بحد تاني ، يعني مجرد حد بتتخطي بيه الحد الاولاني فاهمه؟ ف غلط جدا اوعي تعملي كده

Strawberry_25620 🇪🇬 · Answer

بص مش عايزه احبطك بس سنه ونص ده مش رقم كافي بصراحه .. ده لو انت حبيت بجد هتاخد وقت كبير جدا عشان تعرف تنسى ، بس الفرق بقا في اللي بيكمل حياته وميوقفهاش على حد واللي بيفضل ياعيني قافل على نفسو عشان تجربه فاشله ، فوق لنفسك واشتغل على نفسك خلي منك نسخه احسن وتفتخر بيها متحتاجش لحد،ومش هكدب عليك محدش بينسى اصلا ..بس بنتناسى وبنكمل عادي لانها مش واقفه على حد كده كده

Coffee_53941 🇪🇬 · Answer

انا فاهم كلامك و سمعت كتير فى اللى كان ناشف فى المواساه و فى اللى كان بيقلل من الزعل و فى اللى كان بيتريق و واخد الموضوع متيريال للهق و المق و سمعت كلام زى ان لسه بدرى و هتاخد وقتك فى الزعل و في اللى قالى علشان اول حب بيعلم جامد و فى اللى قالى لما تدخل علاقه تانيه و انا جربت بصراحه حولى 3 مرات ادخل فى علاقه جديده بس مكانتش بتكمل اسابيع و مش بعرف انسى الشخص القديم و فى نفس الوقت

Coffee_53941 🇪🇬 · Answer

مبقتش عارف اتكلم فى الموضوع ده حتى مع صحابى اللى قريبين و وصل بيا الحال ان انا لما بقعد لواحدى بشتاق للشخص غصب عنى مع انه قفلها بطريقه مكناش نستحقها بعد مكان بيتضرب بينا المثل حتى بقيت بخاف من وجودها او بمعنى اصح منها هى شخصيا انا لما بشوف حد بس فى الشارع بحسه شبهها قلبى بيتقبض و بحس برعب مع انى من غير مبالغه قلبى ميت و مش بخاف من حاجه بس دى بقت اكبر مخاوفى و فى نقس الوقت بحن ليها سعات

Coffee_53941 🇪🇬 · Answer

اسف لو طولت بس ملقتش فعلا حد اتكلم معاه و يفهمنى

Strawberry_25620 🇪🇬 · Answer

محدش له حق يقلل من زعلك عموما او يتريق ع الموضوع .. متقعدش تحكي لكل من هب ودب اصلا عشان في ناس ما تستحقش تسمع وهيزودو الموضوع بس! بالنسبه للعلاقه التاني دي هتبقا مجرد مطب تعدي من عليه واتكلمت ف الحته دي وقد ايه هيا غلط فخلي بالك

Strawberry_25620 🇪🇬 · Answer

لكن ما تقلقش والله كل حاجه بتعدي حتى لو طولت شويه ولو محتاج مساعده اطلب مساعده من دكتور نفسي ماتسيبش نفسك .. ولا يهمك طول براحتك بحب اسمع عادي

Coffee_53941 🇪🇬 · Answer

انا كتوم جدا و نادرا لما بتكلم فى حاجه تخصنى فى العموم بس المشكله دى كانت بالنسبالى كبيره علشان كده حسيت انى لازم اتشاور مع اللى حواليا لاكن للاسف اكتشفت من مش اى حد يستاهل انه يسمعلى و مش عارف لي المشكله دى وجعها كان كبير مع انى مريت بالصعب منها بمراحل و لحد دلوقتى مش عارف احلها و زى محكيت حاولت بكل الطرق بس برضو برجع لنقطه الصفر و لحد دلوقتى ملقتش السلام جوايا

Coffee_53941 🇪🇬 · Answer

حليا كل اللى بعمله انى متعايش مع الامر و سعات ببقى عايز افهم انا عملت اى يوصل لكده و يمكن ده اللى خلانى اسال اللى حواليا بس الحقيقه اللى بحاول انكرها ان مفتاح الاجابه مع السبب نفسه مش مع حد تانى و سعات بييجى عليا وقت ببقى عايز اسأل صاحب المشكله بس بحس بخوف مش فاهم لحد دلوقتى اى سببه ممكن خوف من الكلام ممكن خوف من رد الفعل او ممكن خوف من الشخص نفسه مبقتش عارف بس بتعاياش بنزل و بروح و بشتغل و بدرس

Coffee_53941 🇪🇬 · Answer

بس مسافه مروح و اخش اوضتى بكتشف ان كل اللى كنت بعمله فى يومى هروب مؤقت او بشغل تفكيرى فى حاجه تانيه و برجع لنقطه الصفر 
شكرا علشان طولتى بالك معايا و سمعتينى كان نفسى الخص كل كلامى فى مسدج واحده بس مساحه المسدج مبتتخدش كتير ممكن اكون انا اللى رغاى مش عارف😂
و شكرا تانى على وقتك

Strawberry_25620 🇪🇬 · Answer

مهو عشان انت حبيت من قلبك ، ساعات لما الواحد ميحطش حدود لنفسه ومشاعره يحصل فيه اكتر من كده كمان مش بلومك طبعا لكن تعلق الزياده ده غلطتك انت 
 ما تسالش ولا تتكلم سيب اللي اذاك عشان هيأذيك اكتر ايا كان سبب البُعد،هيعدي الوقت وهترجع تسال نفسك ايه الهبل والوقت اللي ضيعتو ده في التفكير في حد سابك معادش موجود  في حياتك

Strawberry_25620 🇪🇬 · Answer

وكل اللي عملته انك اتعلقت بطريقه مش صحيه للاسف .. ودي غلطه كلنا بنغلطها بس ده يعلمك بعد كده تحط حدود لمشاعرك عشان نفسك مهما كان حجم حبك للشخص ده 
اتعلم من التجربه دي خلاص الشخص ده مش موجود دلوقتي ناخد الفايده منو احسن 
اكتب مع نفسك الكلام اللي نفسك تبعتو وتعاتب بيه واقعد اقرئو مره واتنين وتلاته

Strawberry_25620 🇪🇬 · Answer

وشوف كده مع نفسك هل لو بعت الكلام ده هتندم ؟ هل انت مستعد لردة الفعل لما تعاتب؟ وهل هترتاح بعدها؟ وعلى اساسها حدد 
ده بالنسبه لخوفك من انك تبعت اعمل كده الاول وهتعرف الاجابه

Strawberry_25620 🇪🇬 · Answer

لا هيا مساحة المسج مبتاخدش كتير فعلا😂😂

Hazelnut_52786 🇪🇬 · Answer

خد وقتك في الزعل . وفكر بهدوء . اهم حاجه متخليش حد يأثر عليك وعلي حياتك الشخصيه

Coffee_53941 🇪🇬 · Answer

اولا كل سنه و انتى طيبه❤️
ثانياً انا متشكر جدا على كلامك ده بجد فرق معايا جدا للاسف اتاخرت فى الرد بس الابليكشن مبيبعتش نوتفكيشنز و انا بخش اكتشف فيه و متشكر جدا لوقتك انا فعلا لما قريت كلامك فوقت شويه من التوهان اللى كنت فيه انا بجد ملقيتش حد يقولى الكلام ده بطريقه مريحه قدك خصوصا انى مبسمعش غير لنفسى بس فعلا اسلوبك فى الكلام كان مريح و استوعبته الواحد اهو بيخلص امتحاناته و هيشوف حياته

Coffee_53941 🇪🇬 · Answer

بس نخلص الاول من الخطوه اللى احنا فيها بعدها كل حاجه هتيجى واحده واحده 
و شكرا تانى على وقتك

Potato_53500 🇪🇬 · Answer

يا ستي لا أولاني ولا تاني الحمدلله 😂