سنه الجيش ضيعت مستقبلى و اشتغلت دليفري

Question

اى لازمه سنه الجيش اللى دخلتها يعنى لى تضيع مستقبلى و كل اللى خد إعفاء اشتغل و انا اضطريت اشتغل دليفري وانا جوه الجيش فى اجازاتى علشان اجيب الفلوس اللى تصرفها جوه لى تدينى مرتب ٣٣٠ ج ميكفيش مواصلاتى لى تدينى اكل ميتاكلش لى يبقى العسكرى مش واقف بالسلاح بس و مطالب منه يعمل اكتر من حاجه يارب خرجنا منها على خير

Tomato_74700 🇪🇬 · Answer

انا بحكم شغلي بتعامل مع عساكر كتير 
بس هقلك على حاجة عاوز تصدقها براحتك مش عاوز برضو براحتك 
اول م تخلص جيش قارن نفسك بالي خد اعفا شوف هو يعرف يتصرف ف المشاكل ازاي وانت هتتصرف ازاي 
الجيش رخم و صعب و مقرف و بياكل من عمرك و بيستنزفك 
بس صدقني هتطلع منه راجل يعتمد عليك و هتحس بالفرق دا بج. بعد م تخلص ميري و تفتكر نفسك القديمة وتشوف اتغيرت قد اي

Pistachio_75078 🇪🇬 · Answer

مخلص بقالى ٨ شهور و عايز اقولك أن حياتى وقفت بسببه كل اللى ذاكرته فى الكليه كنت بحاول ارجعه كميه التكنولوجى و الحاجات الجديده اللى بقيت محتاجها بحكم كليتى اتطورت فى خلاص السنه و نص اللى ضاعوا كدا كدا الواحد مسؤول من و هو صغير و بيعرف يتصرف مكانش محتاج الجيش دا بيئه مليانه بنى ادمين حقوده عساكر بتزر بعض و تبص لبعض فى خيرها بس كدا كدا حامد ربنا لأن كان فى أسواء من كدا اكيد

Chocolate_52272 🇪🇬 · Answer

الي فهمك ان الجيش بيعمل راجل ضحك عليك

Tomato_74700 🇪🇬 · Answer

بص يا غالي دا اعتقادي محدش فهمني كدا 
انا راجل مسؤل عن عساكر و اتعاملت مع عساكر من مستجد لرديف 
منهم الي كان لما بيغلط بيكدب و بيحور و بعد كدا بقى بيعترف بغلطه و بيصلحه و منهم الي كان بيقل ادبه مع الافراد الي هم ناس اكبر منه سنا و بقى بيحترمهم ومنهم الي كان سايق العبيطة والجنونة و عقل 
انا مبقلش انه بيعمل منك راجل بالمعنى الحرفي بس بيأثر فيك و بيبني شخصيتك انت ممكن متحسش بكدا

Tomato_74700 🇪🇬 · Answer

تكملة : علشان التغيير دا انت معاه و ماشي بالتدريج انما الي حواليك هيحسو بيه الي كل فترة يشوفو جزء من البروجرس دا 
بالنسبة ليك يا حبيبي الدنيا مبتقفش اه ممكن تكون اتعطلت بس تقدر تكمل و ان الناس تبيع بعض دي فكل حتة دا الظباط بتبيع بعض ياعم 😅
بس اظن لما تتعلم درس زي دا ف المرة وهو كبيرة كلمتين ولا حبسة احسن م تتأذي ف اكل عيشك 
هتلاقي نفس ف الشغل بصورة تلقائية بتاخد بالك من تصرفاتك قدام زمايلك هكمل :

Tomato_74700 🇪🇬 · Answer

تكملة : بتاخد بالك من تصرفاتك قدام زمايلك الي انت مش واثق فيهم ١٠٠ ف ال ١٠٠ و برضو مش مدي الامان للي انت واثق فيه اوي علشان حاطت ف بالك حاجة زي دي انه ممكن برضو يطلع وحش زي دفعتي الي كنا بناكل سوا مع بعض و يبيعك زيه علشان ياخد اجازة شش
صدقوني يا رجالة كل دي دروس ف الحياة بتعلمك و بتبني ف شخصيتك