السلام عليكم، سُبحان الله لسه بادئة أُدرِك يعني إيه ستر، يعني إيه ربنا يستر عبد فعلًا، وليه حد ممكن يطلب الستر؟ معرفتش ده غير لما لقيتني محطوطه في حاجات عمري ما كنت أتصور إني اتحط فيها، لما لقيت إن ظاهري تُحفه، وقد إيه في ناس كتير شايفاني بصورة الحمدلله عليها يعني، لكن محدش يعرف الخبايا! ومش عايزه يَجول في ذهن القارئ العزيز إني سيئة.. بل أخطاءي هي أخطاء عاديه عند ناس كتير، لكن مش دي المُشكلة، المُشكلة فعلًا إني بتَعجب من كل مره ربنا سترني فيها في أخطاء ناس عملتها قدامي وربنا مسترهاش! أو زي ما بيقولوا كده رصيد سترهم خلص. وبقف مع نفسي وأقول قد إيه الإنسان جَهول ومش بس جاهل، قد إيه بيقع كل مره في نفس الغلط علشان واثق في إن ربنا هيستره، وبيفضل مُصر على ذنوبه حتى في أكتر الأوقات إلي ربنا قاله فيها توب وارجعلي.. وتمشي في الشارع تلاقي مَهول من البشر ماشيين مبسوطين وتتعامل مع بردو مَهول من الناس مُحترمين ومُهذبين وانت بردو متعرفش خفاياهم علشان بس ربنا ساترهم، مش شطاره منهم ولا حاجه. ربنا يتم علينا ستره، ويهدينا جميعًا يارب. اذكروني في دعائكم.

11

0