شغل بعد الجواز: تنازل ولا إصرار؟ آراء البنات والشباب

Question

سؤال للبنات/ تفضلي تشتغلي بعد الجواز ولا لأ؟ وليه؟
ولو شريك حياتك اختلف معاكي في فترة التعارف في موضوع الشغل واشترط عكس اللي عايزة تعمليه هتتنازلي عن مين فيهم؟
سؤال للشباب/ تفضل شريكة حياتك تكون بتشتغل ولا لأ ؟ وليه؟

Banana_29935 🇪🇬 · Accepted Answer

هي حرة، طول ما الشغل مش واخد حيز كبير لدرجة اني مشوفهاش و نفس الكلام على شغلي ميبقاش واخد حيز كبير من اليوم، و طبعا تكون شغلانة كويسة ليها

Broccoli_40899 🇦🇪 · Answer

أنا من وجهة نظري بفضل ان اشتغل بعد الجواز عشان يبقى لياا كيان عشان ابقى شخص مهم و مؤثر في المجتمع 
و عشان كمان لما هو يبقى مشغول و مش فاضي أنا كمان ابقى مشغولة🤣
ملاحظة:ميبقاش الشغل هيأثر على واجباتي في البيت كزوجة و ام. .

Strawberry_40941 🇪🇬 · Answer

انا بنت وبقولك لو جوزك مقتدر مديا اقعدي عادي عشان انت هتشيلي الاولاد اكتر لازم يكانو كويسين بالطبعي هو مش هيبقا موجود علي طول

Grape_28449 🇪🇬 · Answer

بالنسبالي لا لو الشغل دا هيتعارض مع بيتى وزوجي واولادي لانى مش بقتنع بفكرة ان حد يربي اولادى غيرى ووجودى معاهم طول فترة الطفولة محتاجين ام معاهم وطبعا مفيش شغل هيكون بالحريه دى فوقتها بيتى اولادى اهم.
لو هو اعترض على الكام ده وانى لازم اشتغل فاكيد مش هتمسك بيه لان اولويته الشغل مش البيت وتأسيسه وفيه شباب كتير عايزة الست بتشتغل عادى

Coffee_27700 🇪🇬 · Answer

طب لو حصل طلاق أو الزوج حصل دروب في حياته وفلس؟

Potato_31970 🇪🇬 · Answer

اكيد اني اشتغل بل كمان اني ممكن ااجل الجواز لمجرد اني اشتغل واعملي اسمي

Cheese_40374 🇪🇬 · Answer

افضل طبعا اني اشتغل عشان لو عايزه اجيب لنفسي حاجات صغيره تفرحني أنا وجوزي مثلا مقدرته مش كفاية ومش عايزه ازود عليه اقدر اجيب الحاجات دي بمجهودي أنا ولو حصل اي حاجه ميقدرش يذلني مثلا بأنه بيصرف عليا ولو حصل مشكله لا قدر الله اعرف اتصرف ودراعي متتلويش زائد اني انسانه بحب اشم هوا بحت مبعرفش اقعد فالبيت دقيقتين على بعض ولكن طبعا لا يغني عن اني عليا مسؤولية كبيرة واهتم بعيالي وانضف بيتي واطبخ ده الاساس

Avocado_29696 🇪🇬 · Answer

افضل طبعا الشغل عشان مبقاش هم كبير انا و الاولاد و اساعده في المصاريف

Apple_40951 🇪🇬 · Answer

لو انا بحبه اوي وهو كذلك ف هحاول اضبط رأيي مع رايو لاني

Potato_31970 🇪🇬 · Answer

حاسه اني بهدم نفسي لما بتجوز اكيد انا هبقي حابه اتجوز ويبقي ليا وبيتي وحياتي بس حاسه اني هبقي بظلم نفسي برضو ان انا تعبت ف مذاكرتي وطلع عيني كل ده وف الاخر مشتغلش دي بالنسبالي صعبه اووي

Blueberry_39174 🇪🇬 · Answer

👏🏻👏🏻

Strawberry_40963 🇯🇴 · Answer

اكيد بتنازل عن شريكي من اسمو شريك حياة مش متحكم بالحياة كل وأحد فينا الو كيانو خاص والو حياتو هو بدو وحدة بتشتغلش يروح يدور عحد بشتغلش بس انا بدي اشتغل ويجي يحكيلي تشتغليش ولا لشو جايبة شهادتي اعلقها عحيطة دار

Avocado_37663 🇪🇬 · Answer

بالنسبالي شريكة حياتي تختار اللي هي عايزاه مع أني بفضل أنها متشتغلش أو تشتغل شغلانه خفيفة ويستحسن ف zone مفهاش رجاله.
لأن والله ما في أحسن أن الست تقعد في البيت زي الملكة يجيها كل اللي هي عايزاه ولا تبهدل نفسها (وقرن في بيوتكم)