زوجي نرجسي وشخصيتي قوية.. هل أتطلق؟

Question

لدي مشكل غريب .. باختصار زوجي لديه شخصية نرجسية ولكن  شخصيتي قوية واصبحت اقوى بسببه هو يجتهد في الاساءة الي ولكن الامر لم يعد يزعجني وكل من يعرف كيف حياتي معه يتعجب كيف مازلت معه  ولم اتطلق منه حتى بعض افراد اسرته  ... الان اريد اسمع اراء ناس واعية او اختصاصيين هل اتطلق منه واعيش حياة طبيعية او اكمل هاته الحياة الجافة الفارغة من العاطفة معه....لدي طفلين

Onion_81726 🇩🇿 · Answer

اخطر انسان هو النرجسي انا عندي اب نرجسي و ام جافة عاطفيا و لكن الحمد لله نرجسي يتغذى بالاساءة ليك كوني إستراتيجية و على جال ولادك احملي

Grape_78790 🇩🇿 · Answer

انا بكل شفافية راح نمدلك رايي
انا لوكان جيت في بلاصتك وتزوجت مع انسان ومعرفتش بلي نرجسي وكي نتزوجو يبان علا حقيقته
وشفت عيشا معاه غير ممككنة ومتقدرش تتحسن منسناحتى يولو عندي طفل ولا زوج نطلق قبل ميكوننو ذراري احسن
مي الا راكو عايشين في ضغط ومشاكل ومقدرتوش تعيشو يهاذ طريقة وحياة قدامك مزالت طويلة انفصال احسن

Onion_81726 🇩🇿 · Answer

عندك الحق بصح قبل مايكون عندها لولاد

Pineapple_80421 🇩🇿 · Answer

اظن أنه الطلاق في هذه الحالات يكون من أجل الأطفال ماشي مايطلقوش علاجال الأطفال، يعني هي واعية و قوية و تستطيع اختيار ما يناسبها و تقدر عليه لكن الأطفال واش ذنبهم يعيشو مع أب نرجسي و بيئة جافة؟ تبانلي مع الأباء العنيفين أو النرجسيين الخ يصبح على الأم واجب أبعاد أولادها عن المحيط السام بكل ما أمكنها

Cherry_80614 🇩🇿 · Answer

ختي ادا عندك خدمة تشدي بيها يدك ننصحك تلجئي للطلاق لأنو النرجسي مثل السم يمتص الطاقة الايجابية من البيت و مايجيب معاه غير لهم و تعاسة و جزائو لوحيد فهاد لحياة هوا نخلوه يموت وحيد يعني ادا تقدري تصرفي على وليداتك ووالديك يقبلو تقعدي عندهم طلقيه و عيشي حياتك نصيحة اتحرري منو و حرري اولادك

Pineapple_80421 🇩🇿 · Answer

يقولو احملي على ولادك لكن كي يكبرو هوما يتمناو لوكان ما عاشوش معاه و يتمناو لوكان كاش واحد حطهم في محيط فيه أمن و حب لأنه الام في المحيط السام حتىان كانت عادية  العطاء تاعها ينقص و راح تخرج زفافها في القلق و الزعاف

Cherry_80614 🇩🇿 · Answer

لعكس رايحا تضر نفسها و تضر ولادها الصبر في هذه الحالة مهوش في صالحها مالاحسن تنسحب وتطلق منو وتنقذ نفسها و ولادها

Watermelon_81045 🇩🇿 · Answer

واش راح يستفاد الاولاد من شخص مريض نفسيا ؟

Onion_81726 🇩🇿 · Answer

وي صح مام انا الام نتاعي نقولها علاش ماتطلقتيش علاش اتجيبي فيا ......... بصح الطلاق والله ماهو ساهل انا راني 25 سنة و مزالني لليوم نحتاج الاب نتاعي في حياتي مالقري نرجسي و منا

Watermelon_81045 🇩🇿 · Answer

راني نحاول نكون لهم الاب والام  في عقلي نشوفهم يتامى

Watermelon_81045 🇩🇿 · Answer

سمحلي اختي هادي لي نحوس نفهمها وبلاك انت اكتر شخص راح تفيديني واش ممكن يحوس الطفل من اب ما عنده حتى عاطفة

Pineapple_80421 🇩🇿 · Answer

ربي يباركلك في قوتك و يعزك و يفرحك و يسهلك تاخذي كل الاختيارات الصحيحة في حياتك و حياة ولادك

Watermelon_81045 🇩🇿 · Answer

مانخليهش يدخلني في دوامة المشاكل والا الضغط بصح ما كانش مشاعر بيناتنا  مانيش عارفة يلا هاد الامر ياثر على الاولاد كي يكبرو

Watermelon_81045 🇩🇿 · Answer

اللهم امين ربي يفرحك دعاءك اسعدني كثيرا جزاك الله الجنة 😊

Onion_81726 🇩🇿 · Answer

مانكذبش عليك الاب سند معنوي لدرجة ماتتصورش  بلا مانحكو على الماديات مثال خطرة نجحت في بوست نتع استخلاف في مؤسسة ايا و حبو ينحوني و يديرو طفلة من عائلة مرموقة في المنطقة نتاعنا ايا قلتها الاب نتاعي طلع لمديرية التربية قال يخرج ابني ولا حاجة تخلصوها غالية و منا و انا في ذيك الضربة معرفتش نتصرف فهمتي و نقطة اخرى  مام المجتمع مايرحمش علابالك ولادك يولو اكثر عرض لتحرش للاستغلال مكانش الي يحميهم

Watermelon_81045 🇩🇿 · Answer

ممكن يكون هو رجعها جافة عاطفيا للاسف مشي ساهلة

Pineapple_80421 🇩🇿 · Answer

الدراهم و أنه يوصلني بالطنوبيل هذا واش عندي مع بابا، و حتى كي يمدي هاد الماديات لازم نسمعو قال حاجة عيانة ليما و لا يمدهملي بترفع.. و الله مافهمت للآن ماما علاه ماطلقتش نسمعها و انا صغيرة تقول لخالتي ما تحبوش و زيد عندها شهادة و جدي هذاك الوقت واقف معاها ماديا مخصها والو، كي كنت صغيرة كانو يجوني كوابيس تاع بابا يضرب ماما مع اني تأكدت انه عمرو ما يعنفها جسديا لا أدري لماذا. المهم مهما كان قرارك

Onion_81726 🇩🇿 · Answer

ايه هو باينة انا يما في عمرها57 سنة عدد المرات الي عنقتني و سلمت عليا يتحسبو على اصابع اليد و هوما وقتهم ماكنوش عندهم اطلاع كيما حنا ضركا فهمتي صافي دخلها في المتاهة نتاعو

Pineapple_80421 🇩🇿 · Answer

المهم مهما كان قرارك ما تهدريش على راجلك كيفاش ضرك و بلي ماتحبيهش قدام ولادك لأنها ضرهم بزاف، و حتى أهل زوجك اذا ضروك مايسمعو شولادك تعيشي لأنها تحطمهم حرفيااا ماتزيديلهمش زيادة على واش يشوفو و يحسو وحدهم. انا الأب تاعي ماشي كيما برتقالة هه حنا الطونوبيل ما يمدلنا نسوقو و يقولنا كل واحد يدبر راسو  و يمدلي نجريلو على المرض تاعو و أنا مرضت و الله ما سقسا عليا ما مدلي دراهم

Onion_81726 🇩🇿 · Answer

اختي انا بسبب الاب نتاعي نرجسي وليت نتفنن فالشخصيات و النفسيات نتع الناس و مام نتي رح تولي هكدا كيما تولي تبحثي و منا غير باش تسايريه و تتعايشي معاه بصح اذا عندك وين تروحي و داركم يوقفو معاك و مع ولادك و تعرفي بلي مايسمحوش فيك اتطلقي والله باصكو النرجسي كي يعرفك بلي تحلبتيلو يولي يدير في عفاسي اخرين فهمتي و زيد خمي في عفاسي اجابيين فيه بلاك نرجسي غير في شي صوالح

Pineapple_80421 🇩🇿 · Answer

راكي في دعائي لأنني ندعي لكل البنات و النساء لأنه قلبي طايب من واش شفت في ماما الله يتقبل دعواتنا

Watermelon_81045 🇩🇿 · Answer

زوجي ما يصرفش عليهم وما عندهش مشاعر ليهم تاني هوما مازالو صغار بزاف باش يفهمو  انا عاملة الحمد لله  نصرف عليهم وما ناقصهم ولا شيء ونحاول ما يكونش عندهم فراغ عاطفي ابوي حابة نعرف اذا وجوده وحده كالتمثال يفيدهم والا حتى هوما وغادي ياذيهم

Onion_81726 🇩🇿 · Answer

الحل الانسب صلي استخارة الاخت و ادرسي الوضع مليح و اطلقي و متعاوديش الزواج

Pineapple_80421 🇩🇿 · Answer

راني قتلك التمثال تاع بابا واش دار le père physiquement présent émotionnellement absent. و انا بابا عاد كي كنا بيبيات كان يلعب معنا عندنا تصاور معاه كي كبرنا في المدرسة و المسؤولية لي جبد روحه و كي يدخل روحه يدخل روحه بالعنف، مالا هذا إلا عاد ولاده صغار و ما يحنش عليهم كيفاه ..ربي يحميكم منه