زوجتى عايزه ترجع واهلى ضد..نصيحة

Question

أنا مطلق زوجتى بناء على رغبتها من 3 شهور ..و هى دلوقتى عايزه ترجع...اهلى بيقولوا بلاش ترجعلها ...عندى 3 اطفال نفسهم يرجعو البيت وانا لو رجعتها اهلى هيزعلو و لو مرجعتهاش عيالى نفسيتهم بتدمر يوم عن يوم ...عايز نصيحه

Kiwi_74145 🇪🇬 · Accepted Answer

رجع مراتك .. لو سبب المشكلة يكون فيه حل جذري ليه

ولو انت بقيت تمام ومرضي .. ظبط علاقتها باهلك

الاولوية للولاد

Watermelon_58154 🇪🇬 · Answer

رجعها واهي تعلمت ان الكلمه مش بالساهل

Watermelon_66194 🇪🇬 · Answer

لو اصلح أمرها والعيوب والمشاكل اللي عملت كده اتحلت اقعد مع الأهل و اتكلم معاهم ورجع زوجتك كتير مننا مستحمل علشان الأولاد
بس تتأكد أن العيوب منك أو منها اتعدلت

Lemon_74594 🇪🇬 · Answer

الرسول صلى الله عليه وسلم قال: .. وكسر المرأة طلاقها، والانثي بطبعها في المشاكل والأوقات الصعبة بتقول طلقني وهي من جواها عايزاك تكون في قمة تمسكك بيها مش تطلق وتفكر انها هترتاح كدا .. احنا منعرفش أبعاد الموضوع ولا دوافع أهلك للرفض، لكن لو هي كزوجة انسانة انت معندكش مشكلة معاها ارجع علشان متكسرهاش وتبهدلوا أولادكم في النص مبينكم

Apple_74635 🇪🇬 · Answer

حل مشكلتك انت و مراتك بينك انت ومراتك 👌🏻
بس كدا

Apple_64761 🇪🇬 · Answer

انت ماشى بمشورة اهلك ولا مصلحتك وبيتك الاول وتتوفق مع اهلك ؟؟ 
لو زوجتك كويسة والسبب بسيط رجعها ولم عيالك من التشتت والبهدلة واستروا بعض واكسب ثواب

Apple_66014 🇪🇬 · Answer

رجع مراتك وحافظ على بيتك واولادك محدش بينفع حد لو حد من أولادك طلع لا قدر الله مش  كويس اول ناس حايجوا عليك هم اهلك

Mango_29955 🇪🇬 · Answer

رجع مراتك وعيالك ليك وأهلك يخبطو رأسهم في الحيط هما لو عاوزين مصلحتك كانو قالولك رجعها 
عشان صدقني أهلك مش هينفعوك وكل واحد هيمارس حياته عادي انت اللي هتلوم نفسك في الاخر

Jackfruit_74741 🇪🇬 · Answer

المهم انت عايز ايه مش اهلك لو رجعتها من غير ماتكون راضى العيشة بينكم حتبقى زفت وولادك حيطلعوا غير سويين نفسيا بسبب معاملتكم مع بعض صلى صلاة استخارة وساعتها لو عاوز ترجع ملكش دعوه بأهلك هما فى حالهم وانتوا فى حالكم اهم حاجة انت عندهم وولادك حافظ عليهم وربنا يوفقكم للخير

Candle_68397 🇪🇬 · Answer

انت لما طلقتها حد فيهم حس بيك وعوضك يوم ما بابك اتقفل عليك لوحدك اوعه تسمع كلام اهلك كل واحد فيهم قافل عليه بابه وانت اللي ماسك النار هم عيالك وحياتك اللي اكيد اتلغبطت نصحتي ليك الصلح خير واتوكل علي الله خد مراتك وعيالك في حضنك وعالج اسباب الطلاق من جذورها ومتسمحش لحد يهد أسرتك وكيانيك الناس دي اللي هتشيلك بجد

Pineapple_72600 🇪🇬 · Answer

ولادك اللي هيشيلوك لما تكبر مش أهلك