زهقت من الذكريات وبكره فلان كره العمي

Question

السنه الي فاتت يوم عرفه زي دلوقتي كنت بصلي الظهر وبدعي أن فلان يكون من نصيبي وفضلت قاعده علي سجاده الصلاه ادعي وأقرأ قرآن لحد ما المغرب اذن وسبت الفطار ورحت ارد عليه لقيته بيقولي انو عايزني ف موضوع مهم بعد ما اكل ف كلت وانا مش عاي بعضي ومتوتره وجيت اشوفه عايز ايه لقيته بيقولي مش عايزك!!! انا بقا انهارت وزعلت وبتاع بس عادي لازم اعيش اصل هعمل ايه يعني بعدها بكام يوم لقيته بقولي انتي لحقتي تنسيني ويارتني يارتني يارتني ما رديت قالي انو بيحبني بس مش قادر يرتبط ببنت ومش عايز يبقي مع بنات وقالي انو كل فتره هيكلمني واحنا صحاب وكده ويارتني بلكته فضلت حرفيا من شهر 6 لحد شهر 12 مستنيه كل شهر كده يدخل يرمي رساله او يسال عني ويختفي لحد ما قولت المره الي هيكلمني فيها دي مش هسيبه وفتحت اكونت انستا غير الي قفلته زمان وعملتله فولو هو قبل الفولو وقالي وحشتيني وفضلنا نتكلم ورجع يسحب عليا تاني وجيت يوم 11/11 بعتله رساله اطول مني وياريت ايدي كانت اتكسرت قبل ما اكتبها وكان ردو علي الرساله دي بيقولي بالنص انا مقدر كلامك وبحبك بس انا مفياش طاقه اكلم حد حتي صحابي واهلي مش بكلمهم وانا قولتله أننا بحبه ومش هزعل منو عشان حاجه زي كده لحد ما يشاء ربنا وماما تعرف اني بكلمه وتقفلي الاكونت وتخليني اسيبه وحرفيا تهزقني وتقولي كلام عمري ف حياتي ما سمعته ولا كنت متخيله اني اسمعه وانا عملته ريموف من كل مكان عدا سناب شات كان بينا استريكات يعني وهو تقريبا نسي اني كنت موجوده عندو وكان مطنشني وحرفيا كرامتي كانت ف الأرض لحد ما انا بديت أعيش حياتي عادي جداً وبقيت ببعتله استريكات عاديه زي الناس مش بلمحله فيها مثلا ولا بكتب حاجه بصور الاماكن الي بروحها بصور الكتب اي حاجات عشوائيه وبعدها بفتره اتعرفت علي واحد احنا مش اكتر من اخوات حرفيا ف فلان الي سايبني ده عرف ف عملي ريموف وخلاص حرفيا علاقتي بيه اتقطعت من وقتها بس انا لسا حاسه بالقرف منه وحاسه اني مش بطيق فكره أن من سنه بالظبط كنت بدعي بيه ودلوقتي انا مش طايقه افتكره ولا طايقه اشوف اسمو ف حته بكرهو كره العمي عمري ف حياتي ما كرهت حد كده كل دقيقة بندم فيها اني عرفته وبتمني لو كنت بطاطس محمره قبل ما اعرفه انا بعدت كمان عن الولد الي زي أخويا ده حتي مبقتش علاقه سطحيه هي علاقه منتهيه بس انا مش طايقه افتكر فلان الاول ده بكرهو بيجي ف بالي ببقي هاين عليا انط من البلكونه اسفه لو طولت عليكو بس انا فعلا زهقت من اني افتكره

Hazelnut_52786 🇪🇬 · Accepted Answer

1.	عارفة لما تكرهي حد للدرجادي؟ ده معناه إنك لسه مأثرة فيكِ حكايته، بس هو مش مستاهل حتى التفكير، نسيه مش ضعف، ده شجاعة.
	2.	مش غلط إنك كنتي بتحبيه، الغلط كان إنه ميستحقش، وانتي فوقتي ودي أول خطوة لقوتك.
	3.	كل مرة ييجي في بالك، افتكري إنك نجيتي من حاجة كانت هتوجعك أكتر، وانتي دلوقتي بتعيشي لكرامتك وسلامك النفسي

Hazelnut_52786 🇪🇬 · Answer

1.	انتي مش ضعيفة، انتي كنتي بتحبي بصدق وهو ماكنش قد الحب ده، وده ذنبه مش ذنبك.
	2.	كل وجع حسيتي بيه بيقويكي، وكل لحظة ندم هتكون سبب إنك تحبي نفسك أكتر وتختاري صح بعد كده.
	3.	ركزي على نفسك وطموحك واهتماماتك، الحب الحقيقي هييجي لما تكوني مستعدة، مش لما تكوني مكسورة