زعلانة من ماما عشان أخويا ضيع فلوس البنك

Question

زعلانه من ماما اوووي لأنها مشت وراه اخويا واقترضت فلوس كتير عشان اخويا واخويا اخد الفلوس قالها هعمل بيها مشروع وضيعها كلها وحاليا  هي م عارفه تسد الفلوس دي منين والفلوس دي للبنك وتساهيل ومعندهاش حاجه تتصرف فيها غير الشقه اللي عايشه فيهاهي واخويا ولو باعوها هيبقو في الشارع

Broccoli_47609 🇪🇬 · Accepted Answer

لما تكبري وتبقي ام هتعرفي وتدركي هي عملت كده ليه
سيبي الزعل على جنب (اللي حصل حصل) نفكر نحل الوضع الاول
بدون خسائر
وراعي كسرة والدتك من اللي حصل ومتذوديش عليها

بس الحدوتة دلوقتي (اخوكي) مش والدتك خالص

Avocado_51186 🇧🇭 · Answer

ليه زعلانه منها انتي متقدريش تلوميها علشان ساعدت اخوكي هي اكيد اكتر واحده نفسها ولادها يبقوا احسن منها وهي اكيد عملت كده بعد ما اتأكدت ان مافيش حد هيساعد اخوكي غيرها .. اللي مفروض تلوميه هو اخوكي اللي ضيع كل حاجه 
حاولي دلوقتي تساعديها لو عرفتي من اي حد حتي لو هتاخدوا المبلغ وتدفعوا جزء كل فترة وربنا يصلح الحال ان شاء الله