زعلانة وندمانة على سنين ضاعت في الكلية

Question

أنا زعلانة وندمانة جدا حاسة اني ضيعت 4 سنين من حياتي بدون اتقان مجال تخصصي في الكلية وللأسف عشان كدة مش لاقية شغل يناسبني أنا تخصصي كان اداب لغة صينية جبت جيد جدا مرتفع بس مستوايا في اللغة مش حلو ابدا عدى سنتين على تخرجي وكل شوية اسيب اللغة وارجع لها تاني مش عارفة اتطور فيها ابدا.. حاسة اني اخترت القسم الغلط، لو اخترت لغة أسهل كان ممكن يحصل غير كدة.. الله أعلم، بس ندمانة اني ضيعت  سنين من عمري بس الحمدلله بحاول احسن الانجليزي عشان اقدم في كول سنتر بس قلقانة برضو لأني مشتغلتش قبل كدة وكمان قلقانة اني متقبلش ومش عارفة ارجع ثقتي في نفسي، بتوتر جدا، وحاسة اني تقيلة على عائلتي، عايزة اقدم على كول سنتر السنة الجاية بس مش عارفة مناسب ليا ولا لا، وكمان لو اتسألت كنت بعمل ايه في السنتين دول...بس الحمدلله .. يارب سامحني على الوقت اللي ضيعته

Kiwi_76411 🇪🇬 · Accepted Answer

ده نصيب وده دراستك وخلصتيها وناس كتير مش بتشتغل بشهادتها حاولي ف حاجه تاني او اي شغل غير مجالك عادي وماتحسيش انك تقيله لانهم مسؤلين عنك وانتي بتحاولي وماتقلقيش مفيش حد اول شغل ليه بيكون اشتغل قبله لازم يتعلم الاول

Watermelon_57983 🇪🇬 · Answer

ايه رايك تتعلمي مجال الجرافيك ديزاين أو الموشن جرافيك أو اي حاجة تخص التسويق عبر الانترنت

Donut_81952 🇪🇬 · Answer

أنا الايام دي بحاول اتعلم 3d animation

Almond_83051 🇩🇿 · Answer

استخيري الله في قراراتك لانو هو يعرف اللي فيه خير لينا و ما تندمي أبدا على طريق الله اختارهولك لانو عارف انك في يوم من الايام هتكوتي متميزة في سغلك او في دراستك و متقلقيش من حاجة هي أصلا مفيش لانو دي وساوس شيطان لا غير و الله بكتبلك اللي فيه الخير و دايمن ادعي اللهم خيرلي و لا تخيرني

Banana_83053 🇦🇪 · Answer

خليكى دايما حاولى ف اى حاجة انتى بتحبيها لحد ما تلاقى نفسك لقيتى الحاجة او مجال الشغل اللى نفسك تكملى بيه حياتك بس never give up .. هتتعبى دلوقتى شوية وهترتاحى بعدين