كان نفسى جدا ادخل طب بشرى وربنا مكرمنيش ودخلت معهد تمريض حاسة ان انا زعلانة اوى ولما نزلت تدريب فى المستشفى وشفت الدكاترة زعلت اوى انا ماشية طبيعى فى حياتى بذامر وبعمل اللى عليا حتى انا طلعت من الاوائل سنة اولى فى المعهد بس انا مش عارفة اشيل موضوع طب من دماغى وانا عارفة كويس ان خلاص الموضوع انتهى وحاسة دايما انى اقل من غيرى قدام بتوع طب حتى ان انا لحد دلوقتى مش عارفة ادعى ربنا بحاجة حاسة انى مهما دعيت مش هيستجيب زى ما حصل فى ثانوى حتى اهلى هما اللى مدخلينى المعهد وفى نفس الوقت فى كل قعدة لازم يتريقو عليا بالزاد بابا وكمان بيفكرو يدخلو اخواتى الاصغر منى طب خاص مهما كان مجموعهم انا عارفة انهم مش عايزين يزعلو تانى زى ما زعلو عليا بس انا لية كنت كبش الفدى فى البيت عشان الكبيرة حتى معاملتهم اتغيرت معايا بالزاد ماما كل ما اقول حاجة تقولى وانتى عملتى اى فى حياتك اصلا انتى واحدة فاشلة نفسى اكون دكتورة فى الجامعة وقبل كل امتحان فاينل بقفل الاوضة عليا واقعد اعيط واترعش وببقى خايفة لو مجبتش مجموع وكملت كلية طب هيحصل اى لو سنة مطلعتش من الاوائل مش هبقى معيدة انا مش بقلل من قيمة التمريض بس انا فعلا مش بحب التمريض انا دخلاة عشان خاطر اهلى مقدرش اقول لبابا انى هحول او مش هكمل فية هوة عايز لكل واحدة فينا يكون معاها وظيفة عشان الفلوس بس انا حاسة انى معنوياتى فى النازل وخايفة من اللى جاى

4

7