يا جماعة انا روحي تعبت حكايتي اني كنت شخص طموح و كلي طاقة اتجوزت اللي بحبه و اكتشفنا مشكله فالخلفه من عندة و عندي فحملنا صعب بدأت الرحلة الشاقه من ١٣ سنه بعد عمليتين منظار و ادوية ربنا رزقني بولد بعد ٤ سنين و عند ٩ سنين حاليا و بعد ولادته بسنه بدأت الرحله تاني ٥ مناظير بطني و رحمي و شلت انبوبة و فكيت التصاقات و حقن مجهري و فشل مرتين و تالت مرة نجح كنت خايفة افرح استقلت من شغلي و منصبي الوصلتله و قعدت فخوف لحد مسمعت النبض ساعتها بس فرحت و قولت ربنا عوضني بهدله الحقن اليومية و العمليات ب فجأه فأول الشهر الرابع اروح عشان اعرف نوع الجنين اكتشف انه مش واحد دول ولدين توأم و النبض توقف وكأن وقف معاه نبضي انا بعدها دخلت عمليات و نزفت كتير و جالي انهيار عصبي و هبوط مفاجئ فالدورة الدمويه و كنت هموت بس عدت و من ساعتها و انا بسأل نفسيي ليه يارب الوجع دة ليه اتعلق بأمل اتحقق بعد ٨ سنين و ليه مطلعش التحليل سلبي و خلاص و ليه بعد ما اطمن و اسمع النبض و حتي تحليل التشوهات يطلع سليم و افرح يحصل فيا كدة انا حاسه اني قلبي اتكسر و موجوعه لدرجة اني مش شايفه ليا اي لازمة فالدنيا و من كتر الوجع مش عايزة اكمل فالدنيا ازاي هقدر اكمل التعب و ابدأ تاني مالاول

9

5