رفيقي الخيالي تحية طيبة وبعد.. اولا انا ممتة لوجودك في اي مكان في الدنيا لمجرد فكرة انك موجود ولو مكنتش موجود فانا ممتنة للمشاعر الي بتديني أمل و كأنك موجود فعلا .. بالنسبالي الذكريات والخيال ليهم نفس التأثير على مشاعرى الذكريات بنفتكرها زي الحلم والخيال هو حلم طويل ممتد .. يمكن دا الي بيخليني اصدق انك موجود ووجودك مش في فكرة انك لحم ودم موجود في افكاري في خيالي وفي كل حركة بحسها حوليا .. ليك عندي اعتذار انا اسفه اني مكنتش مميزة واتحبيت بشكل كافي يخليني موصلش لحالة الهوس الي عندي دلوقتي انا اسفه اني ممتحبتش كفاية للدرجة الي تخليني شبعانة مشاعر فنتقابل ونكمل بعض ..لو قدر لنا اننا نتقابل افانا هقابلك بكل خوفي وحيرتي و هفضل طول الوقت حاسة اني تقيلة عليك اني طول الوقت هحاول اهرب وانا بتمنى انك متزهقش كل مرة ومتسبنيش.. عارف يمكن اكتر فكرة مريحة بتيجي على بالي انك مجرد امل انك فرصتي في الحب الي لسه متشوهتش ان لسه فيه قصة ممكن اعيشها اقدر اسامح بيها نفسي والي حوليا يمكن مشاعرك تكون بالقدر الي تكفيني وتكفيك وانا في المقابل اوعدك اني هرسمك كتير انااصلا برسمك من زمان اكتر حاجة عنيك عرفاهم شوية اوعدك اني ابادلك مشاعرك باني اعملك حلويات وكل الأكل الي بتحبه اوعدك اني هكون امانك قت ضعفك بس تقبل فكرة اني هكون طول الوقت خايفة مش هعرف ابادر بأي شئ او بأي كلمة هكون مستنية دا منك كل لحظة انك تحسسني ان مشاعر ك متغيرتش. مرة حد قالي انتى هتظلمى الشخص الي هتكوني معاه لاني هكون محتاجة انه يعوض الطفلة الي جوايا المساعر الي معشتهاش بس اوعدك اني هكون طفلة لطيفة وهكون ليك كل حد محتاجه يمكن تكون انت كمان مستنيني يمكن بتجيلك نفس افكاري يمكن بدور عليا في الناس الي حواليك ومش لاقيني يمكن عارف ملامحي في خيالك وبدور عليها اقولك سر انا عندي خلل كبير في فهم المشاعر معرفش يعنى ايه مشاعر غير الي بحسهالك بعد حبي لربنا معنديش حد اقدر اقول اني بحبه بتعامل بحكم ان دا واجب اكتر من انه حب انا محدش خلاني احب نفسي شوية الا املى في وجودك انا ممتنة لأول لحظة هسمع فيها صوتك واعرف ملامحك متأكدة انك كمان هتعرفني ولو دا كان مجرد خيال فهو كان جزء كبير من حياتي وافكارى ممتنة انهم كانو من نصيبي

4

6