عايزه ارجع للخمار وخايفه اقلعو تاني

Strawberry_85241 🇪🇬

منذ 3 ساعات

شعور محبط

اتحجبت قبل بلوغي كنت ف رابعه/تالته ابتدائي كنت صغيره حابه شكل الحجاب ع البنات الكبيره و بعدها قولت لوالدتي بس بحكم اني مبلغتش كانت بتسكتني بس من زني رضيت لبستو يوم و قولتلها اقلعو بعدها و كنت لسه برضو مبلغتش بعدها ب اسبوع بلغت و مكنتش حابه الحجاب و مخنوقه و مكانتش اصلا مفهماني الدنيا ماشيه ازاي و كدا و عدي سنين و لبست ف تانيه اعدادي الخمار لاني كنت حمد الله ساعتها بصلي و بنصح الناس و يعتبر احسن فترات حياتي مفكرتش ف الخطوه اوي و خدت الخمار ف يوم و ليله من غير مفكر و دلوقتي بعاني ف اني عايزه البس الخمار و اني قلعتو اصلا بس جوايا عايزه ارجع للخمار و مش عارفه حاسه اني تايهه و مش عارفه انا عايزه ايه و حتي لو هرجع للخمار بكون خايفه اقلعو تاني لاني قلعتو كذا مره بعد ملبستو

التغيير صعب وبيتوه جزاك عقلك

التغيير دايما صعب ، وبيتوه جزاك عقلك ، بحس دايما اني كل ما ابدأ كأني يخون نفسي، المكان اللي عاوزه اوصلو بشخصيتي وبطريقتي دي ، بس أنا دلوقتي هضطر اخفيها عشان بس اوصل ، هيبقى صعب اني ارجع لنفسي تاني ؟؟ ...عرض المزيد

1 الدعم

3 نصيحة

داخليني رقيق بس مضطر أبتعد عن الحب دلوقتي

عارف احساس انك تكون شخص من جواك رقيق اوي وفيك حنيه لو اتوزعت على العالم مش هتخلص وبجد جواك عطاء غريب وبتحب الحب والرومانسيه والارتباط كل ده حلو بس اللي وحش بجد انك تكون في كل ده وانت اصلا في فترة من حياتك مينفعش يكون فيها حب مينفعش يكون فيها يمين وشمال لازم تفضل باصص قدامك مش قادر تدخل في حب بالرغم من ان قدامك فرص بس انت بتختار انك تركز في حياتك عشان تكون فخور بنفسك قبل ما اي حد يكون فخور بيك تعمل حاجة تشوفها انجاز حتى لو الناس شايفه انك كفاية عليك كده وانك اصلا ناجح لا انت مختار انك تفضل تحاول عشان تطلع احسن ماعندك 👀🤍 وارجع واقول ان فعلا رغم كل ده احنا بنحتاج اوي للحب والرومانسية والكلام الحلو في يومنا الحاجات دي بتفرق اوي مع اي حد ♥️ ...عرض المزيد

0 الدعم

2 نصيحة

مش دايما اللي بيضحك بيكون بخير

مش دايمًا اللي بيضحك أو بيتعامل عادي بيكون بخير… أنا مثلًا، كل يوم بالليل بحس إني بتفتت من جوّا، بحس إني بموت من كتر الوجع اللي مالي قلبي، لكن أول ما يطلع الصبح، ألبس وشّ العادية وأتعامل كأن مفيش حاجة.كأن بالليل كان فيلم، وأنا لازم أكمل الحياة وكأني قوية. بس الحقيقة؟ أنا مش قوية زي ما الناس فاكرة. أنا بتكسر كتير، وبنهار أكتر مما الناس تتخيل، بس عمري ما بحب أظهر ضعفي، ولا بعرف أقول “وجعني” بصراحة. بخبي كل حاجة جوايا، ولما بيبان عليا الحزن، بيبان في شكل عصبية أو كشرة، مش لأن الناس مضايقاني… لكن لأن الوجع جوّا كبير ومش لاقي طريق للخروج. أنا إنسانة حساسة جدًا، يمكن أكتر من اللازم. الحاجة اللي ممكن تعدّي عند الناس بسهولة، بتوجعني أنا كأنها نهاية الدنيا. من وأنا صغيرة كده… أي موقف بسيط كان بيكسرني، واتعودت أتعامل لوحدي من غير ما أشرح. أنا محاطة بناس كويسين جدًا، أهلي، وأصحابي، كلهم طيبين… بس جوايا فراغ ووحدة غريبة مش عارفة أوصفها. حتى لما أكون وسط الناس بحس كأني مش موجودة فعلًا. بحس ان مفيش حد وبكون قاعدة مش سامعة اللي حواليا وأكتر حاجة بتوجعني إني بقيت حاسة إني بعيدة عن ربنا، مش كره أو رفض، بس كأني فقدت الإحساس… بحاول أرجع، بس في حاجة مانعاني، كأني مش قادرة أوصل له بنفس القرب القديم. يمكن مشكلتي الحقيقية إني دايمًا بحس إن فيّا حاجة غلط، بس كل اللي جوايا هو بس قلب حساس جدًا، نضيف، بيتأذى بسرعة، وبيحب بزيادة، وبيصدق الناس بزيادة. بس أنا برجع أقول لنفسي دايمًا: حتى لو وجعت، حتى لو وقعت، عدّى ومضى. وهحاول تاني أكون بخير، على مهلي، بس بخير � بس مبقتش عارفة ...عرض المزيد

2 الدعم

8 نصيحة