محتارة ومتلغبطة.. رأيكم في الموقف ده؟ 💔

Question

هاخد رايكم في حاجه ضروري يجماعه وانصحوني بجد عشان اخلص من الحيره اللي انا فيها دي💔
بعتله ادد من 3 ايام وجه انهارده اتفاجأت انه منزل استوري وباينه عندي وهو اصلا مش مخلي الاستوري بتاعته عامه ف فكرت انه قبل الادد لما روحت شوفت ملقتهوش قبله ومعلقه لسه فأنا حسيت انه عمل الحركه دي عشان يلمحلي ب انه بيفتح عادي وبينزل استوريهات عادي وهو معلق الادد بتاعي مقبلهوش ف هو قصد انه يعمل كده انهارده عشان افهم انه خلاص هو مش عاوز يعرفني تاني🙂
انتو شايفين إحساسي دا صح ولا غلط؟
أنا بعدها لما حسيت بكدا شيلت الادد وجه ف بالي بردو انه عمل كد وقال انه يلمحلي احسن من انه يدخل يكلمني وقولي انه معتش عاوز يعرفني عشان ميجرحنيش وفي نفس الوقت قولت ما اهو ممكن ميكنش فارق معاه احساسي اصلا وانه عمل كده عشان كبريائه انا مبقتش عارفه ومحتاره ومتلغبطه قولولي انتو شايفين اي من اللي قولته دا🙂💔؟

Apple_11941 🇪🇬 · Accepted Answer

وانتى تبعتى لولد ادد ليه اصلا ويكون فيه بينكم كلام 
انتى عندك كام سنه لو انتى سنك صغير فابعدى عن السكه دى خالص يبنتى كلها عك ووجع دماغ واشغلى نفسك بحاجه اهم 
ولو انتى كبيره ف انتى عارفه الصح م الغلط ومش محتاجه حد يوجهك

Mango_15368 🇪🇬 · Answer

مش صغيره ودا كان في بينا عشره زمان بس بعدت عنه لسبب ما ف كنت باعته الادد لاني كنت عاوزه اشوف هو فاكرني ولا لا وكمان لاني مش عارفه ابطل احبه أبدََا 🫠💔

Cherry_17439 🇪🇬 · Answer

بصي اوقات لما تبعتي لحد ادد بيتعمله فولو تلقائي ف طبيعي انه يظهرلك الاستوري بتعته
وهو احتمال ميكنش قبل الادد علشان خلاص بقي شايف انه مينفعش تبقوا مع بعض او حد جديد دخل حياته كل شئ جايز
فوضي أمرك ل ربنا وكل حاجه بتحصل معانا متكوبه لينا وربنا هيجازيكي خير على كل حاجه زعلتك والله 
ف من راي متعشميش نفسك ب حاجه وحاولي تتخطيه وتشوفي حياتك

Mango_15368 🇪🇬 · Answer

اها، حاضر 🥹💔

Strawberry_17163 🇪🇬 · Answer

صدقيني بجد من ترك شيئًا لله عوضه الله خيرًا منه يمكن ربنا عمل كده عشان ترجعيله وتتوبي وتبطلي الذنب ده ف دي فرصة حلوة اوي عشان تجددي علاقتك مع ربنا وتبدأي صفحة جديدة من غير الذنوب دي وحتى لو بتحبيه ادعي ربنا يكون من نصيبك وربنا عالم اي الخير لينا ف خليكِ مع ربنا وعمره ما هيضيعك وحتى لو مكنش من نصيبك خلي عندك يقين بالله انه هيعوضك ب اللي احسن منه واحفظي قلبك وصوني نفسك للي هيكون من نصيبك ف الحلال

Strawberry_17163 🇪🇬 · Answer

(روح القدس نفث في روعي أنه لن تموت نفس حتى تستكمل رزقها فاتقوا الله وأجملوا في الطلب ولا يحملنكم استبطاء الرزق على أن تطلبوه بمعصية الله فإن ما عند الله لا ينال إلا بطاعته)🖤🦋

Pineapple_14977 🇪🇬 · Answer

فى الانستا لو اكونت بتاعه عامله خاص فانتى لما تبعتيله ادد بيبقا عنده اختيار يوافق ول لا 
بس لو اكونته عام فمبجرد مبتعملى ادد ببيقباش عندة اختيار والانستا بيعمله علطول

Mango_15368 🇪🇬 · Answer

ونعمه بالله 🤍

Mango_15368 🇪🇬 · Answer

مش انيستا انا كنت بعتله فيس الانيستا هو عامله برايفت