عايزه رأيكم في موضوع شخصي شويه انا في سنه تانيه و كليتي كليه طبية قدامي لسه ٣ سنين عقبال ما أتخرج ده غير الامتياز حبيت أقولكم ده بس عشان تعرفوا وضعي الدراسي انا عشرين سنه تقريبا من سنه في زميل ليا اعترفلي بحبه و أنا في الاول مكنتش عندي غير شعور بالإعجاب بس طبعا حيائي منعني اني اقوله ده و فضلت اقوله خلينا اصحاب لحد ما اشوف انا وضعي هيكون ايه في الموضوع ده و جريت علي والدتي عرفتها كل حاجة مع الوقت حسيت ان جوايا شعور بالحب ناحيته و كمان هو بيضحي عشاني كتير نزل يشتغل جنب دراسته عشان يحوش الفلوس اللي يجي يتقدملي بيها و هو شخص ناجح في الكليه و مجتهد و من عيلة كويسه و عنده شقته في خلال الفتره دي انا بدأت احس اني بحبه فعلا و هو قرر يجي علي آخر السنه يتقدملي ده بعد ما من فتره بسيطه فتح مع باباه الموضوع و باباه وافق و قاله نخلص بس السنه الدراسيه دي و بإذن الله نشوف الموضوع ده و أنا لما قولت لوالدتي قالتلي نفس الكلام خلصي السنادي و لما تيجي السنه اللي جايه نبقي نشوف دلوقتي هو عايزني اكلم والدته و في نفس الوقت هو عايز يكلم والدتي وانا قولت لماما انه عايز يكلمها و قالتلي سيبيها بس شويه نظرًا ان والدتي تعبانه شويه الفتره دي بسبب المتحور الجديد بس لسه مقولتلهاش انه عايزني اكلم ماماته تنصحوني اهرب منه و مكلمش ماماته ولا ازاي اخلي الموضوع يمشي لأني مش عارفه المفروض ايه الخطوات اللي المفروض تحصل ولا حتي عارفه ده هيكون صح ولا غلط و لا اعمل ايه عشان الموضوع يمشي بطريقه صح و اسفه علي الاطاله و كمان رأيكم اتخطب دلوقتي و لا استني شويه ( لو هنتخطب دلوقتي هنتجوز بعد ما نتخرج علي طول ان شاء الله ) و انا كل هدفي من الخطوبه اننا نحول علاقتنا لإطار رسمي عشان حاسة اني مش مرتاحة كده و حاولت ابعد اكتر من مره عشان حرام بس هو قالي انه عايز يحول علاقتنا لإطار رسمي عشان محسش بالذنب وبالتالي كلم والده من فتره قصيره تنصحوني بإيه؟

6

0