محتاره بين موافقة مدرسي المتدين والخوف من العيش في الارياف

Question

في موضوع عايزه رأيكم فيه 
دلوقتي أنا اتقدم لي مدرس كنت باخد عنده أنا مكنتش اعرف أنه بيحبني بس قالي كده من قريب وكلم ماما واتقد هو شخص متدين وشيخ وأخلاقه عاليه اوي مكنش بيرفع عينه من الأرض بس المشكله أنه في ارياف و انا مش حاسه ان ينفع اعيش هناك 
الموضوع هيبقى صعب بالنسبه لي وبرده في نفس الوقت خايفه ارفضه يطلع كويس وبرده بفكر ارفضه ويزعل ويتجرح مني بجد ومش ببالغ هو كإنه ملاك 
وكل شويه احلم احلام كويس بيه واخر كام مره حلمت مرتين أننا كتبنا الكتاب ده غير احلام تانيه معناها حلو معاه ف الاحلام دي مخلياني محتاره 
مش عارفه اوافق ولا اعمل اي

Croissant_60799 🇪🇬 · Accepted Answer

هي الاحلام دي حاجه كويسه حلوه بتقول انك مطمناله وحاسه انك عايزه توافقي صلي بس استخاره وشوفي هتحلمي او هتحسي  ايه بقي بعدها وساعتها قرري بس المفروض أن جوازك ف ارياف صعب عليكي بما انك بنت مدينه 
نصيحه لو انت مش هتتقبليه وتذكريها لزوجك بعدين أو تعايريه بيها يبقي الافضل بلاش ارياف  فكري كويس والقرار قرارك الفكره اهلك رأيهم ايه ويسالوا عليه كويس

Sugar_31911 🇪🇬 · Answer

...

Sugar_31911 🇪🇬 · Answer

..

Mushroom_57093 🇪🇬 · Answer

ايه المشكله معاكي ف نقطه الارياف

Sugar_31911 🇪🇬 · Answer

مش عارفه هعرف اوصف ولا لا 
بس اكيد العيشه مختلفه وكمان أنا مدلعه اوي اوي زي ما تقول كده دلع ماسخ شويه 😂 
وهناك شغل البيت والخدمه غير المدينه 
و هما برده بيشتغلوا في الأرض وكده عشان هما فلاحين 
ف خايفه مستحملش العيشه هناك 
بس في نفس الوقت كل اما اقرر اني ارفض احلم بأحلام حلوه بيه

Coffee_60862 🇪🇬 · Answer

مدرس ازاي يعني !! انتو الفرق بينكم كام سنة ؟؟

Sugar_31911 🇪🇬 · Answer

وبرده خايفه اني لما اتخطب له اكيد هتجوز وانا في الكليه اكيد مش هعرف أوفق بين الكليه وشغل البيت وكمان هتبقى اكيد كليتي في محافظة تانيه هروح ازاي واجي واذاكر واشوف طلبات البيت ازاي أكيد هبقى مقصره في حاجات كتير بجد مش عارفه اعمل اي

Sugar_31911 🇪🇬 · Answer

٨ سنين هو لسه متخرج من كام سنه

Croissant_60799 🇪🇬 · Answer

رايي تاني فرق السن كبير وانت لاحظت انك بتقولي لسه جيلك الكليه الفكره لو وافقتي يبقي تتقي الله فيه ومتبصيش لمغريات الشباب ال من سنك لو مش هتقدري وهتكلمي شباب ف الكليه يبقي بلاش توافقي احسن لان لسه جايلك مرحله جديده هتغيرك وتغير وجهه نظرك وممكن تندمي انك اتحوزتي حد اكبر منك بكتير لأن زي مانت عارفه البني ادم بيتغير

Mushroom_57093 🇪🇬 · Answer

انتي ممكن تتكلمي معاه ف النقط دي و لو وافق ف تمام 
مثلا مش هقدر اشيل بيت عيله انا يادوب اقدر اشيل بيتنا اللي هو انا وانت و عيالنا 
مثلا مش هنزل ارض و لا فلاحه

Croissant_60799 🇪🇬 · Answer

٨ سنين مش فرق كبير ولا حاجه هو أكبر بشويه من ال بفضله بس عادي الفكره بس انك لو وافقتي واتجوزتي يبقي تتقي الله في زوجك ومتقارنيش بحد تاني علشان حياتك ساعتها هتبقي مش كويسه لانك عمرك ما هترضي عن زوجك المقارنات بتقتل اي فرحه

Sugar_31911 🇪🇬 · Answer

أنا ملتزمه و ازهريه ومختمره وعمري ما ارتطبت ولا كلمت حد و على طول عيني في الأرض ومعروفه بأخلاقي العاليه اكيد مش هبص لحد 
لو أنا مخطوبه له أو حتى لسه لوحدي وهو فرق السن مش كبير هو مناسب بس 
وبعدين أنا بتقي الله وبخاف من ربنا

Sugar_31911 🇪🇬 · Answer

مش فاهمه اي الي هيخليني اقارن اصلا

Croissant_60799 🇪🇬 · Answer

تمام هتفضل نقطه واحده بس هتقدري تستحملي الأرياف ولا لا في ارياف خلاص بقت متمدنه ف المعيشه والحياه بس برده سيظل هي ارياف الفكره هل هما هيبقوا مستنيين خدمتك ليهم والحاجات دي ولا ايه فاهمني

Croissant_60799 🇪🇬 · Answer

احنا بني ادمين وانت لسه صغيره ودماغك لسه مكبرتش ولسه منضجتش عادي ممكن تتوقعي ده من نفسك بتكلم بشكل عام متخديش كلامي اني بقول عليكي انت بقول من واقع خبرتي ف الحياه وال شفته احنا بني ادمين

Sugar_31911 🇪🇬 · Answer

أنا استخرت وكانت دي الاحلام

Croissant_60799 🇪🇬 · Answer

تمام جدا كل دي مؤشرات جميله اسالو عليه بقي كويس واتكلي علي الله اهم حاجه تبقي متصالحه مع القرار من جواكي وتتقي الله في زوجك وربنا يكرمكم ويصلح حالكم ويبقي كويس أن شاء الله يارب

Sugar_31911 🇪🇬 · Answer

فاهماك بس انا برده خايفه تكون دي فرصتي عشان أنا كنت بتمنى حد ملتزم كده هو أنا والله لسه محبيتوش بس قلت اكيد لما تتكلم معاه وكده هاخد عليه خايفه بس ارفض ملاقيش حد في أخلاقه وتدينه 
عشان دلوقتي الشباب نادر لما تلاقي حد كده

Sugar_31911 🇪🇬 · Answer

ايوه هو لما أتكلم مع اهلي قال أن مفيش ستات ليهم علاقه بالشغل كل واحدة في بيتها وكده

Croissant_60799 🇪🇬 · Answer

الحب بيجي بعد الزواج اكتر من حب قبل الزواج خرجي من دماغك النظره ال الإعلام والافلام بتروج لها حب بعد الزواج ف الموده و الرحمه والعشره هي ال بتبقي والحب ده بيبقي اكبر من اي حب متقلقيش لو هو شخص محترم ومتدين وحنين وبيتقي الله فيكي لا مفر من انك تحبيه وتعشقيه كمان ويملي عينك

Coffee_60862 🇪🇬 · Answer

هو الموضوع مريب عامة فكرة أنه يرتبط ببنت بيدي ليها درس دي تخوف بصراحة 😅

Mushroom_57093 🇪🇬 · Answer

طب خلاص اهو 
ايه المشكله بقا

Strawberry_40044 🇪🇬 · Answer

خلاص من وجهة نظري اقترحي عليه انتي نفسك تعيشي فين وانك رافضة تخرجي باره مدينتك ولو بيحبك زي ما بتقولي هيكون عاوز يعملك اللي يسعدك ويريحك

Sugar_31911 🇪🇬 · Answer

الفكره أنه موضح الحته دي وقال إنه مش بيعرف يسيب بلده عشان شغله كله هناك

Marshmallow_60604 🇪🇬 · Answer

بصي لو قالقانه من النقطه دي بس انا من الارياف و الاطباع هناك فكل الي عليكي انك تساليه علشان بساطه الارياف مبقتش زي زمان كلها اراضي والي كل الي فيها عندهم بقر و طيور في نسبه كبيره بقت زي المدن فلو كده اساليه وعرفيه ان دي النقطه الي قاقاك و يبنتي الي اول شرط اخره نور هو لو كويس و رايد انتي بذات هيحاول في المشكله دي و لو خايفه من ان اهله بيقوا جامدين فبرضوا قوليلوا

Sugar_31911 🇪🇬 · Answer

منا برده خايفه من حته اهله بس اجيبها له ازاي واصلا أنا مش بكلمه 
وهما عندهم ارض وبقر وكده

Marshmallow_60604 🇪🇬 · Answer

بصي لو كده فكك منه خالص وركزي مع عيلته امه اخته كده علشان دول لو كويسين و دوغري الجوازه هتمشي غير كد و من بتوع ههي هها الجوازه هتبوض، وركزي بردوا في حوار ان مدام مش ماجر الارض وهي حاجته فحتمال تنخرطي في بعض الانشطه الريفيه و لو نواويه تشتغلي بعد الجواز نوهي علي النقطه دي بردوا علشان تبقي واضحه و اهم حاجه تعرفي لو هتدخلي في بيت عيله و لا لا

Strawberry_25620 🇪🇬 · Answer

الاحلام دي بعد الاستخاره ولا ايه؟ 
لو مش عايزه تعيشي في ارياف مش لازم توافقي مش بالاجبار مستحيل تتأقلمي هناك الموضوع مش سهل بردو🙂
 او تتفقو هتعيشي فين شوفيه الاول قبل ما ترفضي

Sugar_31911 🇪🇬 · Answer

مش عارفه بجد 
هصلي تاني وان شاء الله الدنيا تمشي تمام