خايفة اتسرعت في موافقة عريس منفصل.. أعمل إيه؟

Question

مساء الخير  عاوزه رأيكم و مساعدتكم 
مش عارفه ابدأ منين بس انا بنوته و عندي ٢٢ سنه و بابايا متوفي و نفسي افرح ماما بيا و اتقدملي عريس عنده ٣٠ و هوا منفصل و عنده بنت بس كده كده البنت انا مليش علاقه بيها خالص و هيا مع مامتها انا كنت رافضه الفكره خالص بس لما قعدت معاه لقيته محترم اوي و متدين و طموح و حالته الماديه حلوه و شكله حلو اوي برضو ما شاء الله و  ذوق اوي و انجذبت ليه جداً و وافقت بس دلوقتي خايفه وحاسه اني اتسرعت اوي خصوصاً انه عاوز كتب كتاب في مسجد المشير بعد سنتين و انت كنت عاوزه فرح كبير زي البنات هوا انا كده تافهه ولا ده عادي ولا ايه؟؟
وكمان قالي بلاش خطوبه كبيره و وفري المصاريف و خليها حاجه في البيت على الضيق مع اني كنت عاوزه افرح زي البنات واعمل في قاعه كبيره برضو بيقولي بلاش و عشان نكمل على خير هوا كده كلامه صح ولا بيضحك عليا؟ انا بفكر افركش بس خايفه عشان حبيته و اتعلقت بيه و كمان خايفه لحسن بعدين بعد الجواز يعوز يرجع طليقته دي مع انه مأكدلي انه استحاله يعمل كده و مش في دماغه اصلاً و عاوزني انا 
اعمل ايه؟؟

Chilli_71379 🇪🇬 · Accepted Answer

جايلك من المستقبل وبقولك الموضوع ده هيكون مؤذى لكى الموضوع ده اخرجى منه وبكره هتلاقى الى يتناسب معاكى

Apple_68671 🇪🇬 · Answer

لا يا بنت الناس بلاش

Watermelon_72229 🇪🇬 · Answer

بلاش ليه طيب ؟؟

Apple_68671 🇪🇬 · Answer

انتي اساسا خايفه من انه يرجع لطليقته  والدة بنته وده احتمال كبير كمان ف بلاش احسن ومتمشيش وراء احساسك

Watermelon_72229 🇪🇬 · Answer

بس هوا مأكدلي انه استحاله طبعاً و الغلط من عندهم هوا كويس جداً والله و استحمل منهم كتير لغايه ما اتفقوا عالانفصال من سنين

Watermelon_63493 🇪🇬 · Answer

لا صممى على الفرح

Watermelon_72229 🇪🇬 · Answer

بيقولي مصاريف على الفاضي و دي مقدرتي وعاوز ربنا يبارك لنا

Watermelon_72229 🇪🇬 · Answer

ايه اللي حصل طيب هيكون مؤذي ليه ايه اللي ممكن يحصل وخايفه اكبر وملاقيش حد مناسب اتجوزه

Coconut_71798 🇪🇬 · Answer

هي مساله انه يرجع لزوجتي الاولانيه ده امر طبيعي ممكن يرجع وممكن يتجوز تاني ده حقه الشرعي لازم تحط ده في اعتبارك اما بقى اكون هو في بنت فده اللي يعني ده اللي مش مستحب يعني لان البنت دي شمال يمين هي بنته فممكن تيجي تقعد معاه وانت مطالبه ان انت تتعاملي معاها كويس انت هتقدري تعملي ده توكلي على الله مش هتقدري بلاش بلاش ده غير ان انت ما عندكيش اولاد واول فرحه ليكي فممكن البنت دي ما تخليكيش تعرفي تعيشي

Chilli_71379 🇪🇬 · Answer

خالص عمرها مابتكون كده مثلا انتى لو نازله تشترى حاجه بتجيبى اول حاجه بتقع عليها عنيكى ولا بتلفى ودورو لغايت ماتجيبى الى ينسبك ويعجبك وتبقى مرتاحه فيه

Watermelon_72229 🇪🇬 · Answer

بس مامتها مش هتسيبها ولو سابتها هيكونوا ساعتين تلاته مش هتعيش معايا يعني

Watermelon_72229 🇪🇬 · Answer

عندك حق بس انا خايفه و بفكر كتيير اوي ومش عارفه اعمل ايه وهوا بصراحه محترم وذوق وانا حبيته و حاسه اني اخيراً هرتاح و افرح ماما واتجوز

Coffee_71970 🇪🇬 · Answer

اعرفي سبب الانفصال الاول و لو تعرفي تقعدي مع طليقته و تسمعي من الطرفين افضل و موضوع الفرح ف ممكن يكون هو شايف انو حرام لانو بيحصل فيه معاصي كتيره و انا عن نفسي ناوي برضو اتجوز في مسجد عادي جدا و دي ليله في حياتك كلها ملهاش داعي اصلا يعني مش هيتبني عليها حاجه عشان حد يقولك هتندمي بعدين

Ice Cream_72258 🇪🇬 · Answer

بلاش يا بنت الحلال خلي مستقبلك لو انت جامعه او معهد او حتي مش بتدريس بلاش هيجي من وراهم مشاكل

Coconut_71798 🇪🇬 · Answer

ولو سابتها اليوم كله ده ابوها برده لو سابتها شهر كامل برده ابوها انا عايز اقول لك برده ان الستات بتغير من بعض فممكن بعد الجواز تحصل مشاكل وهي تعاند فيه او تغير منك واكيد البنت لما تيجي تعيش مع تقعد مع بابا ترجع لمامتها وتحكي لها عن العيش اللي هو عايشها معاكي وخصوصا ان هي ان هم منفصلين فهي ممكن تغير منك وساعتها تحصل مشاكل

Chilli_71379 🇪🇬 · Answer

معاكى بس البنت دى هتكبر وغصب عنك هتبق عنده غاليه لانها من دمه وهتفضل نقرب منه وده هيأثر عليكى وعلى حياتك وفكره ان ممكن يرجع علفكره قريبه جدا وماكد ممكن يرجع عليها بعد الجواز منك

Coconut_71798 🇪🇬 · Answer

وعن تجربه حصلت قدامي في واحده قريبتي ان هي اتجوزت واحد مطلق ومع بنت وما كملتش معاه سنه ونص وجوزها رجع لطليقته مطلق الست اللي هو متجوزه بس هي كانت صدمه اللي اتجوزت ان هو سابها

Watermelon_72229 🇪🇬 · Answer

مش عارفه بجد انا محتاره ومش عارفه اعمل ايه وخايفه بعد ما عرفت اهلي اني قريت فاتحه ارجع اقولهم محصلش نصيب و دي مش بتحصل عندنا كتير

Watermelon_72229 🇪🇬 · Answer

يالهوي بتتكلمي جد!! بس هوا مأكدي انه استحاله و حبني اوي وبنى احلامه كلها معايا !

Watermelon_72229 🇪🇬 · Answer

عرفت سبب الانفصال بس حوار اني اقعد مع طليقته ده مستحيل و صعب اوي عشان مش هقدر و مش عاوزه

Watermelon_72229 🇪🇬 · Answer

خلصت جامعه و هوا كويس والله بس انا خايفه معرفش ليع

Ice Cream_72258 🇪🇬 · Answer

اهم حاجه الأمان و يكون بيحبك ميكونش بيلعب و انت لسه صغيره يعني اي حاجه غلط هتتدمري منها ف حاولي تكوني كويسه في اختيارك لان دي مستقبلك انت مش ببالي و لاممتك الي هيتجوزوه انت الي هتتجوزيه فا حاولي تخلي بالك بس

Coconut_71798 🇪🇬 · Answer

مافيش حاجه بتفضل على حلها بس على اى حال انتى لازم تتوقعى. اى حاجه هوه راجل وليه حق انا يرجع طلقته او يتجاوز تانى او يكتفي بيكى

Chilli_71379 🇪🇬 · Answer

لا عادى مافيش نصيب مش متوافقين عادى والله

Grape_71542 🇪🇬 · Answer

عايز اقولك انتي واخده قرار انك ما تكمليش بس محتاجه تأكيد لاحساسك لان مخاوفك اكتر من طموحك معاه وطالما كفه مخاوفك أكبر يبقى........

Watermelon_72229 🇪🇬 · Answer

يبقى ايه؟

Grape_71542 🇪🇬 · Answer

قولتك يبقى انتي واخده قرار انك ما تكمليش بس محتاجه حد يشجعك على قرارك.
انتي بتصارعي نفسك بين انك تكملي معاه او تفركشي. وطالما عقلك وقلبك مش واخدين نفس القرار يبقى في حاجه غلط.
ونصحيه صلى صلاه استخاره واستخيري ربنا وشوفي هاترتاحي بعدها ولا لا