دلوقتي مش عارف هي بتحبني ولا لا! علاقة متباينة

Question

دلوقتي أنا اعرف بنت بقالي سنه و شهرين ارتبطنا بعد اول شهر أنا بعشق التراب ال هي بتمشي عليه حرفياً و بجيبلها أي حاجه نفسها فيها بس ف نفس الوقت هي كل شويه تبعد و تقرب تبعد و تقرب و أنا مش عارف ابعد نهائي اعرف منين هي بتحبني ولا لا مع العلم أنا بيحصل بينا فيزيكال تاتش ممكن بوسه أو حضن كده يعني و مع العلم برضو ان كمية الطاقه ال بتبقا فيها من حب اول م نرجع كل مره بتبقا اكتر مني ب كتير بعدها مثلاً ب شهرين بتبدء تطفي ب التدريج و مع العلم برضو ان من ساعة م عرفتها و هي مكلمتش غيري (تبعد يعني تقول إنها مش عايزه تكمل)

Chocolate_72174 🇪🇬 · Accepted Answer

هي مش عايزه تبعد هي حست بالخوف وبالذنب وهي مش مرتاحه بسبب الي حصل حاول بعد كدا اما تنزلو متلمسهاش وحسسها انك بتحبها حب مش مشروط ، الموضوع كله انها خايفه

Nutella_72254 🇪🇬 · Answer

مش شرط تكون عاوزة تبعد ممكن تكون عندها مشكلة نفسية او خوف من العلاقة انها كل مبتحس انها بتحبك جدا دا بيخلق مشكلة فدماغها وتبقى عاوزة تبعد خاول تطمنها طول الوقت

Coffee_71991 🇪🇬 · Answer

مع العلم إنه دي علاقة حرام أنت لو بتحبها فعلا وعايزها كان المفروض تطلب إيدها أو تكلم باباها لو أنت مش جاهز كان ممكن تستنى تكون نفس أو على الأقل تعرف أهلها إنك بتحبها وعايزها أما حكاية إنها بتقرب وبتقعد دي فأعتقد ده المفروض يوصلك إنها بتقرب منك لما تكون عايزه تحس بالاهتمام وبمجرد مبتخده بتمل فبتبعد أنا بردوامعرفش هي بتمربأيه نصيحتي ليك أبعد عن العلاقات دي لأنك مش هتحصّل حاجة منها في الآخر غير التعب

Avocado_72261 🇪🇬 · Answer

هو عموماً أنا اقدر أأكد ان المبادره ف ده كان منها مش مني لأن أنا ب طبيعتي اكبر مخاوفي اني احسسها ب عدم الأمان أو الارتياح

Avocado_72261 🇪🇬 · Answer

كلامك صح جداً

Avocado_72261 🇪🇬 · Answer

أنا فعلاً مش بعمل حاجه غير اني أطمنها اني دايماً موجود انا عامل صوت نوفتيكشن مخصوص ليها عشان لما تبعت اصحا من النوم و عمري م علقتها ابداً

Chocolate_72174 🇪🇬 · Answer

ممكن تكون بنت ضعيفه ومقدرت تتحكم في نفسها ، كل الي هقولهولك علي قد ما تقدر حسسها بأمان

Coffee_71991 🇪🇬 · Answer

بتمنالك تلاقي الإنسانة اللي بتكملك و مش بس بتاخد منك إهتمام بل تقدر تديك الإهتمام إن شاء الله

Avocado_72261 🇪🇬 · Answer

بحاول والله لان دي اهم حاجه بالنسبالي ف العلاقه اساساً مفيش أمان مفيش علاقه

Avocado_72261 🇪🇬 · Answer

ان شاء الله شكراً جداً ل اهتمامك

Nutella_72254 🇪🇬 · Answer

هقولك نصيحة بالنسبة للبنات متحسسهاش انك هتموت عليها اوى اوى وحسسها ان ليك حياة بعيدا عنها عشان متزهقش منك طمنها فأنك تحسسها انك جمبها مش فأنها تحس ان انت موراكش حاجة غيرها عشان ممكن تمل وتروح لحد كارفلها اكتر او حاسة ان عندو حياة فاهم

Coffee_71991 🇪🇬 · Answer

العفو

Avocado_72261 🇪🇬 · Answer

مؤخراً بقيت اعمل كده بس أنا معودها على الاهتمام الزياده و ان معنديش حياه غيرها ف هل ده ممكن يتغير؟

Avocado_72261 🇪🇬 · Answer

ولا خلاص كده هي خدت الفكره دي؟

Nutella_72254 🇪🇬 · Answer

لا ممكن يتغير عادى بس اعمل كدا بذكاء مش مرة واحدة