Corn_70073 🇪🇬
منذ أسبوعين
.
شعور وحيد
انا من اسرة كويسة جدا ولكن مشكلتهم انهم مبيعرفوش يعبروا عن مشاعرهم خالص عشت طول عمري من غير كلمة حلوة لحد ما وصلت ل ٢٨ سنة من غير ارتباط ولا اني اسمع كلمة من حد ولا احب ولا اتحب، من فترة حصل موقف اني فقدت اخويا واتعاملت مع حزني دا لوحدي تماما كل اللي حواليا كان معاهم اللي يطبطب عليهم الا انا كنت في اوضتي ولوحدي، دا خلى عندي خوف رهيب وفكرة ملحة جدا للارتباط لمجرد بس اني لما يحصلي موقف تاني شبه دا مكونش لوحدي والاقي اللي يسندي، ويهتم بيا وحقيقي اكون له شخص مهم في حياته... الفكرة ديه بقالها سنة معايا وحقيقي ارهقتني جدا وتعبتني نفسيا جدا مع العلم ان اللي بيتقدم قليل جدا وبيكون مش مناسب بشكل او باخر ... نفسي اتخلص من خوفي دا ونفسي اطمن حقيقي ...
4
7
