ازيكم، انا اتربيت في عيله محافظه.. اب نرجسي كل هدفه شكله العام قدام الناس و كل حاجه لازم تكون مظبوطه بالورقه و القلم..كان بيضرب امي كتير جدا في طفولتي و للأسف كنت بتضرب معاها في اى مشكله لمجرد اني كنت بعيط عشانها كنت مابين (4ل12 سنه) علاقتي بيه معدومه و بحاول امشي عالمسطره عشان محتكش بيه نهائي.. انا امي كانت بتشتكيلي دايما مشاكلها معاه و الغريب في سني الصغير انا اللي كنت بديلها نصايح ازاى تتصرف مع جوزها!! المهم اني كبرت و وصلت لسن العلاقات وانا فاهمه و مدركه كل التفاصيل من غير اى علاقه.. عرفت اكتر من شاب تحت مسمى الصداقه و كلهم حبوني و كانوا مؤمنين اني مختلفه و دماغي توزن بلد.. مشكلتي ان اغلبهم واثقه في مشاعرهم لكن مش قادره احب حد.. دايما بفكر بوعى زايد و بقول طيب لو ارتبطنا و علاقتي باظت؟ خايفه من الفشل بطريقة مريبه.. في نظري اغلب الرجاله مصلحجيه و كدابه و مبعرفش اصدق الكلام الحلو اللي بيتقاللي، انا عارفه حظي حلو في الناس اللي بقابلهم و بعرف اتعامل معاهم لكن عندي خوف دايما ان محدش يديلي حب حقيقي لو صدقته او لو اتجوزنا اعيد نفس المعاناه اللي اتربيت فيها.. شكرا انكم هنا

5

8