عندي فوبيا من الأسانسير.. حد عنده حل؟

Question

يمكن مشكلتي الى هقولها دي مش بنفس كبر باقي المشاكل هنا ولكنها عاملة اعاقة كبيرة في حياتي، انا عندي خوف غير طبيعي من الاسانسير انا لو مع اهلي او صحابي في مكان فيه اسانسير مهما كان الدور بطلع على السلم ولما بركب الاسانسير فعليا بحس بخنقة وبفضل مغمضة عيني لحد ما نوصل ولا كأنه هيطلعني على الاخرة. معرفش ايه الحل للموضوع ده عشان فعلا عامل مشكلة كبيرة بالنسبة لي خصوصا ان الاسانسيرات وفي الاماكن الطبيعية في مصر شكلها ذات نفسه يقلق والواحد ميعرفش الاسانسير اخر مرة اتعمله صيانة كان امتى وبحس مفيش اهتمام من الناحية دي اساسا غير انه مكان ضيق لو الواحد قعد فيه اكتر من اللازم هيتخنق. هل حد كان عنده الفوبيا دي وقدر يتخطاها؟

Banana_37403 🇱🇾 · Accepted Answer

بصي الموضوع سهل وبسيط انك تقدري تتخلصي منه بسهوله ولكن محتاج منك الاصرار من جواكي علي ان الشئ ده طبيعي جدا وزيه زي اي شئ تاني بتعمليه في حياتك احساسك بانك مستسهله الشئ هيخليكي تغيري معتقدتات كتير جدا عنه وهيخلي احساسك بالخوف يقل تدريجيا لحد ما يختفي نهائي لازم تعتمدي علي عقلك كتير كل كل ماتركبي الاسانيير عقلك هيخلي بالاشارات الايجابيه بقيت مراكز الاحساس تتغير للشعور بالطمانينه وعدم الخوف

Cherry_36298 🇪🇬 · Answer

بصراحه لا بس اكيد الفوبيا دى ليها سببب

Chilli_37044 🇪🇬 · Answer

بصي دي فوبيا و مهما قولتلك مش حقنعك أن دي حاجه مش مستدعيه الخوف بس حقولك حاجه
الخوف مجرد وهم في عقل لا واعي 
يعني ببساطه مفيش حاجه اسمها خوف انتي بس الي بتسمعي كلام عقلك كتير

Kiwi_36496 🇪🇬 · Answer

هوه انك بتحاولى تتغلبى على خوفك كويس 
حاولى تشيلى الأفكار السلبيه دى من دمغلك وانك تخففى على نفسك بأنه الناس بتركبه قدامك عادى بس متضغطيش على نفسك

Jackfruit_36220 🇪🇬 · Answer

بصي هي الدنيا عموما مش محتاجة اننا نخاف فيها من حاجة لو ربنا كاتب يحصلك حاجة هتحصل لو ايه فمتشيليش هم حاجة 🫶🏽